Exodus 34;1-35
34 Ekem Jehovah ọdọhọ Moses ete: “Sọi itiatn̄wed iba eke ẹbietde akpa oro,+ ndien ami nyewet mme ikọ oro ẹkedude ke akpa itiatn̄wed+ oro afo okobomde,+ ke mme itiatn̄wed emi.
2 Nyụn̄ ben̄e idem nọ usenubọk, koro ke usenubọk afo ọyọdọk Obot Sinai edida ekpere mi do ke enyọn̄ obot oro.+
3 Edi yak owo baba kiet okûtiene fi ọdọk, n̄ko, kûyak owo baba kiet odu do ke ofụri obot oro.+ Akan oro, yak erọn̄ m̀mê enan̄ baba kiet okûta mbiet ke iso obot oro.”+
4 Ntre Moses ọsọi itiatn̄wed iba eke ebietde akpa oro onyụn̄ abak edemede ke usenubọk ọdọk Obot Sinai, kpa nte Jehovah eketemede enye, onyụn̄ akama itiatn̄wed iba oro ke ubọk.
5 Ndien Jehovah asan̄a ke obubịt enyọn̄ osụhọde+ edida ye enye do onyụn̄ atan̄a enyịn̄ Jehovah.+
6 Ndien Jehovah asan̄a ebe enye ke iso onyụn̄ atan̄a ete: “Jehovah, Jehovah, Abasi mbọm+ ye mfọn,+ isọpke iyatesịt+ edi awak ima-mfọnido+ ye akpanikọ,+
7 enịm ima-mfọnido ọnọ ediwak tọsịn,+ efen ndudue ye ubiatibet ye idiọkn̄kpọ,+ edi ididehedei iyak owo ọbọhọ ufen+ idiọkn̄kpọ, ada ufen idiọkn̄kpọ mme ete amia nditọ ye nditọ nditọ, onyụn̄ ada amia ọyọhọ emana ita ye ọyọhọ emana inan̄.”+
8 Kpa idaha oro Moses onụhọ onyụn̄ ọduọ ke isọn̄.+
9 Ekem enye ọdọhọ ete: “O Jehovah, edieke n̄kụtde mfọn ke iso fo, mbọk, yak Jehovah asan̄a ke ufọt nnyịn,+ koro mmọ ẹdide mbon oro ẹsọn̄de obotitọn̄,+ afo nyụn̄ fen ndudue nnyịn ye idiọkn̄kpọ nnyịn,+ nyụn̄ da nnyịn nte inyene fo.”+
10 Ndien enye ọdọhọ ete: “Sese, mmọn̄ nnam ediomi: Nyanam mme utịben̄kpọ emi akanam owo mînamke ke ofụri isọn̄ m̀mê ke otu kpukpru mme idụt ke iso kpukpru ikọt fo;+ ndien kpukpru owo emi afo odude ke otu mmọ ẹyekụt utom Jehovah, koro se ndinamde ye afo enyenede ndịk.+
11 “Edi afo nam se ntemede fi mfịn emi.+ Sese ami mmọn̄ mbịn mme Amorite ye mbon Canaan ye mme Hittite ye mme Perizzite ye mme Hivite ye mbon Jebus mfep ke iso fo.+
12 Kpeme idem, kûnam ediomi ye mme andidụn̄ isọn̄ emi afo akade do,+ mbak emi edidi afia ọnọ mbufo.+
13 Edi mbufo ẹnyene ndiwụri mme itieuwa mmọ nduọn̄ọ, nnyụn̄ mbom mme adaha utuakibuot mmọ, nnyụn̄ nsịbe mme eto utuakibuot mmọ nduọk.+
14 Afo unyeneke ndituak ibuot nnọ abasi en̄wen,+ koro Jehovah, emi enyịn̄ esie edide Ufụp, edi Abasi ufụp;+
15 mbak afo udunam ediomi ye mme andidụn̄ isọn̄ oro, sia mmọ ẹdinyenede oburobụt ebuana ye mme abasi+ mmọ ẹdinyụn̄ ẹwade uwa ẹnọ mme abasi+ mmọ, ndien owo eyedi edikot fi, afo oyonyụn̄ aka akadia ndusụk n̄kpọ uwa esie.+
16 Ndien afo ayada ndusụk nditọiban mmọ ọnọ nditọiren fo,+ ndien nditọiban mmọ ẹnyene oburobụt ebuana ye mme abasi mmọ ẹnyụn̄ ẹnam nditọiren fo ẹnyene oburobụt ebuana ye mme abasi mmọ.+
17 “Kûnam abasi editara mbiet unọ idemfo.+
18 “Afo enyene ndinịm usọrọ uyo eke leaven mîdụhe.+ Afo edita uyo eke leaven mîdụhe, kpa nte n̄ketemede fi, usen itiaba ke edikem ini ke ọfiọn̄ Abib,+ koro edi ọfiọn̄ Abib ke afo ọkọwọrọ ke Egypt.
19 “Kpukpru se isịrerede itie eyen, ye kpukpru ufene fo, akpa ke ayara eyen enan̄ ye eyenerọn̄+ ẹdi okịm.+
20 Afo enyene ndida erọn̄ mfak akpa eyen ass.+ Edi edieke afo mûyomke ndifak, afo ndien enyene ndibụn̄ enye itọn̄ n̄wot. Afo enyene ndifak kpukpru akpan ke otu nditọiren fo.+ Mmọ inyụn̄ inyeneke ndidi ke iso mi ubọk ubọk.+
21 “Nam utom ke usen itiokiet, edi ke ọyọhọ usen itiaba afo eyenịm sabbath.+ Afo eyenịm sabbath ke ini utọ ye ke ini ukpen̄e.+
22 “Nyụn̄ da mme akpa mfri eke ẹdatde ke ini ukpen̄e wheat nịm usọrọ mme urua,+ ye usọrọ editan̄ mbun̄wụm ke utịt isua.+
23 “Kpukpru irenowo ke otu mbufo ẹnyene ndidi+ ke iso ata Ọbọn̄, Jehovah, Abasi Israel, ikata ke isua.
24 Koro nyebịn mme idụt mfep ke iso fo,+ nyonyụn̄ nnam adan̄a fo atara;+ ndien owo baba kiet idiyomke isọn̄ fo ke adan̄aemi afo ọdọkde aka ndikụt iso Jehovah Abasi fo ikata ke isua.+
25 “Kûwa iyịp uwa mi udian ye se leaven odude ke esịt.+ Ndien uwa usọrọ passover inyeneke ndina tutu eyo esiere.+
26 “Da mfọnn̄kan akpa mfri+ eke adatde ke isọn̄ fo di ke ufọk Jehovah Abasi fo.+
“Kûtem eyen ebot ke mmọn̄eba eka esie.”+
27 Ndien Jehovah ọdọhọ Moses ete: “Wet ikọ emi ke idemfo,+ koro ndade ikọ emi ndiomi ediomi ye afo ye Israel.”+
28 Ndien enye odu do ye Jehovah uwemeyo aba ye okoneyo aba. Enye itaha uyo inyụn̄ in̄wọn̄ke mmọn̄.+ Ndien enye ewet ikọ ediomi, kpa Ikọ Duop oro, ke itiatn̄wed.+
29 Edikem ke adan̄aemi Moses otode Obot Sinai osụhọde ye itiatn̄wed Ntiense mbiba oro ke ubọk esie ke ini enye otode obot osụhọde edi,+ Moses ifiọkke ite ke ikpa iso imọ esesem ke ntak emi Abasi eketịn̄de ikọ ye imọ.+
30 Ke ini Aaron ye kpukpru nditọ Israel ẹkụtde Moses, sese! ikpa iso esie esesem, ndien mmọ ẹkop ndịk ndisan̄a n̄kpere enye.+
31 Ndien Moses okot mmọ ẹdi. Ntre Aaron ye kpukpru mbọn̄ ke otu esop ẹfiak ẹtiene enye, ndien Moses etịn̄ ikọ ye mmọ.
32 Ekem, ke oro ebede, kpukpru nditọ Israel ẹsan̄a ẹkpere enye, ndien enye ọtọn̄ọ nditeme mmọ kpukpru se Jehovah ọkọdọhọde enye ke Obot Sinai.+
33 Ke ini Moses okụrede nditịn̄ ikọ ye mmọ, enye ada ufụhọn̄kpọ ofụk iso esie.+
34 Edi ke ini Moses odụkde ke iso Jehovah ndinyene nneme ye enye, enye ofụhọde ufụhọn̄kpọ efep tutu enye ọwọrọ.+ Ndien enye ọwọrọ akasian nditọ Israel se ẹketemede enye.+
35 Ndien nditọ Israel ẹkụt iso Moses, nte ikpa iso Moses esemde;+ ndien Moses ọtọn̄ọ ntak ada ufụhọn̄kpọ ofụk iso esie tutu enye afiak odụk aka ndinyene nneme ye enye.+
