Deuteronomy 33;1-29
33 Ndien emi edi edidiọn̄+ emi Moses, owo ata Abasi,+ ọkọdiọn̄de nditọ Israel mbemiso enye akpade.
2 Ndien enye ọdọhọ ete:“Jehovah okoto ke Sinai edi,+Onyụn̄ asiaha ke Seir ọnọ mmọ.+Enye etie ke obot obot ikpehe Paran ayama,+Akwa udịm ndisana angel ẹnyụn̄ ẹdu ye enye,+Mbonekọn̄ mmọ ẹnyụn̄ ẹdu enye ke ubọk nnasia.+
3 Enye n̄ko amama ikọt esie;+Kpukpru ndisana ikọt mmọ ẹdu fi ke ubọk.+Mmọ ẹnyụn̄ ẹsụhọde ẹtie fi ke ukot;+Mmọ ẹtọn̄ọ ndibọ ndusụk ikọ fo.+
4 (Moses ọnọ nnyịn ibet nte ewụhọ,+Kpa udeme emi esop Jacob ẹnyenede.)+
5 Enye ekedi edidem ke Jeshurun,*+Ke adan̄aemi ikpọ owo obio,+Ye ofụri esien Israel ẹsopde idem ọtọkiet.+
6 Yak Reuben odu uwem, okûkpa,+Ikọt esie ẹkûnyụn̄ ẹkabade ẹdi esisịt.”+
7 Ndien emi ekedi edidiọn̄ Judah,+ ndien enye ọdọhọ ete:“O Jehovah, kop uyo Judah,+Nyụn̄ da enye sọk ikọt esie.Ubọk esie ẹn̄wana ẹnọ se inyenede enye;Ndien afo akpakam an̄wam enye ọbọhọ mme asua esie.”+
8 Enye onyụn̄ etịn̄ aban̄a Levi, ete:+“Thummim ye Urim+ fo ẹnyene owo emi ọsọn̄ọde ada ye afo,+Emi afo okodomode ke Massah.+Afo ọkọtọhọ ye enye ke mmọn̄ Meribah,+
9 Owo emi eketịn̄de aban̄a ete esie ye eka esie ete, ‘N̄kwe enye.’Mînyụn̄ idiọn̄ọke nditọeka esie,+Mînyụn̄ ifiọkke nditọ esie.Koro mmọ ẹkpemede ikọ fo,+Ẹnyụn̄ ẹnịmde ediomi fo.+
10 Yak mmọ ẹteme Jacob mme ubiereikpe fo+Ẹnyụn̄ ẹteme Israel ibet fo.+Yak mmọ ẹfọp incense ẹsịn fi ke ibuo+Ye ofụri edifọp uwa ke itieuwa fo.+
11 O Jehovah, diọn̄ odudu esie,+Nyụn̄ dat esịt ke utom ubọk esie.+Nọ mmọ eke ẹdahade ẹda ẹnam ikọ ye enye unan ke isịn,+Ye mmọ eke ẹnen̄erede ẹsua enye, mbak mmọ ẹditọn̄ọ ntak ẹnam ikọ.”+
12 Enye etịn̄ aban̄a Benjamin ete:+“Yak owo emi Jehovah amade+ odụn̄ ke ifụre ye enye,+Ke adan̄aemi enye ofụkde enye ofụri usen,+Yak enye onyụn̄ odụn̄ ke ufọt afara esie.”+
13 Ndien enye etịn̄ aban̄a Joseph ete:+“Isọn̄ esie akpakam edi se Jehovah ọdiọn̄de,+Ke ndinọ nti n̄kpọ eke ẹtode ke enyọn̄, ye mbara,+Ye udem mmọn̄ emi odude ke idak,+
14 Ye nti n̄kpọ emi utịn anamde on̄wụm,+Ye nti n̄kpọ emi ẹn̄wụmde ke ọfiọn̄ ke ọfiọn̄,+
15 Ye ata nti n̄kpọ emi ẹtode mme obot edem usiahautịn,+Ye nti n̄kpọ emi ẹtode nsinsi obot,
16 Ye nti n̄kpọ isọn̄ ye se iyọhọde enye ke esịt,+Ye unyịme Enye emi eketiede ke eto n̄kukịm.+Yak mmọ ẹdoro Joseph ke ibuot+Ye ke etịn̄ibuot owo emi ẹkemekde ẹsio ke otu nditọete esie.+
17 Ubọn̄ esie ebiet eke akpa ayara eyen enan̄,+Nnụk esie ẹnyụn̄ ẹbiet nnụk editịm.+Enye ayada mmọ onụk mme idụt+Onụk kpukpru mmọ ekesịm utịt isọn̄,Mmọ ẹdi ediwak tọsịn ke itie duop ke otu mbon Ephraim,+Ẹnyụn̄ ẹdi ediwak tọsịn mbon Manasseh.”
18 Ndien enye etịn̄ aban̄a Zebulun ete:+“O Zebulun, dat esịt ke ediwọrọ fo,+Issachar, nyụn̄ dat esịt ke mme tent fo.+
19 Mmọ ẹyekot mme idụt ẹdi ke obot.Do ke mmọ ẹdiwa mme uwa edinen ido.+Koro mmọ ẹyedia uwak inyene inyan̄+Ye nti n̄kpọ emi ẹdịbede ke ntan.”
20 Ndien enye etịn̄ aban̄a Gad ete:+“Ọfọfọn ọnọ owo emi anamde adan̄a Gad okpon.+
Enye oyodụn̄ nte ekpe,+Onyụn̄ awai ubọk ye etịn̄ibuot.+
21 Ndien enye oyosio akpa ubak ada ke idemesie,+Koro do ke ẹnịm udeme owụk-ewụhọ.+Ndien mme etubom mbio obio ẹyesop idem ọtọkiet.Enye ayanam edinen ido JehovahOnyụn̄ ada ye Israel anam mme ubiereikpe esie.”
22 Ndien enye etịn̄ aban̄a Dan ete:+“Dan edi eyen ekpe.+Enye oyobụmede ọwọrọ ke Bashan.”+
23 Enye onyụn̄ etịn̄ aban̄a Naphtali ete:+“Unyịme Jehovah ekem NaphtaliEnye onyụn̄ ọyọhọ ye edidiọn̄ esie.Da edem usoputịn ye edem usụk nyene.”+
24 Ndien enye etịn̄ aban̄a Asher ete:+“Yak Asher enyene ediwak nditọ.+Yak enye edi owo emi nditọete esie ẹmade,+Emi edebide ukot esie ke aran.+
25 Usịnusụn̄ inuaotop fo edi ukwak ye okpoho,+Ini nduọkodudu fo onyụn̄ ebịghi nte mme usen fo.
26 Baba kiet eke ebietde ata Abasi+ Jeshurun+ idụhe,Emi odorode ke enyọn̄ anyan̄a fi+Onyụn̄ odorode ke obubịt enyọn̄ ke ubọn̄ esie.+
27 Abasi eyo eset edi ebiet udịbe fo,+Nsinsi ubọk ẹnyụn̄ ẹdu ke idak.+Ndien enye eyebịn mme asua ke iso fo efep,+Onyụn̄ ọdọhọ ete, ‘Sobo mmọ!’+
28 Ndien Israel oyodụn̄ ke ifụre,+Obube mmọn̄ Jacob edidu ke idemesie ikpọn̄,+Ke isọn̄ wheat ye wine.+Ih, enyọn̄ esie ọyọtọi mbara.+
29 O Israel, afo omokop inemesịt!+Anie ebiet fi,+Mbon emi Jehovah anyan̄ade,+Kpa otuekọn̄ emi an̄wamde fi,+Emi onyụn̄ edide akwa akan̄kan̄ fo?+Ntre mme asua fo ẹyedịghe ke iso fo,+Afo oyonyụn̄ edịghi edikon̄ ebiet mmọ.”+
