Colossae 2;1-23
2 Koro nyom mbufo ẹfiọk ẹban̄a ọkpọsọn̄ en̄wan+ eke ami n̄n̄wanade ke ibuot mbufo ye ke ibuot mbon oro ẹdude ke Laodicea+ ye ke ibuot kpukpru mbon oro akanam mîkwe mi iso,
2 man mmọ ẹkpekop ndọn̄esịt,+ man mmọ ẹkpekpaha ẹdiana kiet ke ima+ ẹnyụn̄ ẹnyene ofụri uwak ifiọk+ emi enyenede ọyọhọ nsọn̄ọ, ẹnyụn̄ ẹnyene nnennen ifiọk ẹban̄a edisana ndịben̄kpọ Abasi, oro edi, Christ.+
3 Ke enye ke ẹtịm ẹdịp ofụri ọsọn̄urua ọniọn̄ ye ifiọk.+
4 Ntịn̄ emi mbak owo baba kiet edida ikọ mbukpek abian̄a mbufo.+
5 Koro okposụkedi mmendụhe ye mbufo ke obụkidem, ami do ye mbufo ke spirit,+ ke ndara ke nnyụn̄ n̄kụt eti edu+ mbufo ye nte mbuọtidem+ mbufo ọsọn̄ọde ada ke Christ.
6 Ke ntre, sia mbufo ẹma ẹkenyịme Christ Jesus Ọbọn̄, ẹka iso ẹsan̄a nte mbon oro ẹbuanade n̄kpọ+ ye enye,
7 ẹdọn̄ n̄kam+ ẹnyụn̄ ẹkọri ke enye ẹnyụn̄ ẹsọn̄ọ ẹda ke mbuọtidem,+ kpa nte ẹkekpepde mbufo, ẹyọhọde ye mbuọtidem ke ini ẹnọde ekọm.+
8 Ẹkpeme idem: mbak owo edida ukpepn̄kpọ akwaifiọk+ owo ye ikpîkpu abian̄a+ obụme+ mbufo nte asan̄ade ekekem ye item owo, nte asan̄ade ekekem ye mme akpa+ n̄kpọ ererimbot inyụn̄ isan̄ake ikekem ye Christ;
9 koro edu+ Abasi+ odụn̄de enye ke idem ke ọyọhọ udomo.+
10 Ndien mbufo ẹmenyene kpukpru n̄kpọ ọyọhọ ọyọhọ ebe ke enye, emi edide ibuot ọnọ kpukpru ukara ye odudu.+
11 Ke ntak oro mbufo ẹbuanade+ n̄kpọ ye enye, ẹma ẹnịm mbufo n̄ko mbobi,+ idịghe mbobi eke ẹdade ubọk ẹnịm ebe ke ndisịbe obụkidem,+ edi edi mbobi oro enyenede Christ,
12 koro ẹma ẹbụk mbufo ye enye ke baptism+ esie, ndien sia ẹbuanade n̄kpọ ye enye ẹma ẹnam mbufo n̄ko ẹset+ ọtọkiet ebe ke mbuọtidem+ mbufo ke utom+ Abasi, emi akanamde enye eset ke n̄kpa.+
13 N̄ko-n̄ko, okposụkedi mbufo ẹkekpan̄ade ke mme idiọkn̄kpọ mbufo ye ke idaha unana edina mbobi ke obụkidem, Abasi ama anam mbufo ẹdu uwem ọtọkiet ye enye.+ Enye ama efen nnyịn kpukpru mme idiọkn̄kpọ+ nnyịn
14 onyụn̄ ọsọhi+ n̄wed isọn oro ẹwetde+ ke ubọk ẹda ẹbiom nnyịn ikpe, emi ekesịnede mme ewụhọ+ onyụn̄ ọbiọn̄ọde-biọn̄ọ nnyịn;+ ndien Enye ama emen n̄wed oro efep ke ndikọn̄+ enye ndian ke eto+ ndutụhọ.
15 Enye ayarade mme ukara ye mme odudu+ enịm iferi, onyụn̄ owụt an̄wan̄wa nte ke ẹkan+ mmọ, adade mmọ ke isan̄ edikan+ ebe ke eto ndutụhọ oro.
16 Ke ntre ẹkûyak baba owo kiet ekpe ikpe+ ọnọ mbufo ke se mbufo ẹdiade m̀mê ke se mbufo ẹn̄wọn̄de+ m̀mê ke nte mbufo ẹnịmde usọrọ+ m̀mê obufa ọfiọn̄+ m̀mê sabbath;+
17 koro mme n̄kpọ oro ẹdide mbukpọn̄+ n̄kpọ eke ẹdidide, edi Christ+ edi ata idem n̄kpọ.+
18 Ẹkûyak baba owo kiet anam mbufo ẹtaba+ utịp+ oro, kpa owo emi okopde idatesịt ke abian̄a abian̄a nsụhọdeidem ye orụk utuakibuot mme angel. Utọ owo oro “ọsọn̄ọ eyịre” ke mme n̄kpọ oro enye okụtde ke enyịn, okohode idem ke ekikere obụkidem esie ye unana eti ntak,
19 edi enye isọn̄ọke iyịre ye ibuot,+ emi ọbọkde ofụri idem onyụn̄ anamde enye akpaha adiana kiet+ ebe ke mme ikek ye esịp esie, aka iso ọkọri n̄kọri emi Abasi ọnọde.+
20 Edieke mbufo ẹkekpan̄ade+ ye Christ ẹban̄a mme akpa+ n̄kpọ ererimbot, ntak emi mbufo, nte n̄kpọ eke ẹdude uwem ke ererimbot,+ ẹkade iso ẹsụk ibuot ẹnọ mme ewụhọ nte:+
21 “Kûmụm, kûtabi,+ kûtụk,”+
22 emi ẹban̄ade kpukpru n̄kpọ oro ẹnịmde ẹnọ nsobo ke ndida mmọ nnam n̄kpọ, nte asan̄ade ekekem ye mme ewụhọ ye mme ukpepn̄kpọ owo?+
23 Ke akpanikọ, mme n̄kpọ oro ẹtie nte ẹsịne ọniọn̄ ke orụk utuakibuot oro owo emende odori idem ye ke abian̄a abian̄a nsụhọdeidem, kpa ọkpọsọn̄ ntụkidem;+ edi mmọ inyeneke ufọn ndomokiet ke ndin̄wana mbiọn̄ọ se idọn̄de obụkidem.+
