Colossae 1;1-29
1 Ami Paul, emi ndide apostle Christ Jesus oto ke uduak+ Abasi, ye Timothy+ eyenete nnyịn
2 inọ n̄wed emi ẹsọk ndisana owo ye nditọete emi ẹnamde akpanikọ ẹnyụn̄ ẹbuanade n̄kpọ+ ye Christ ke Colossae:
Mfọnido oro owo mîdotke ye emem emi ẹtode Abasi Ete nnyịn ẹkpekam ẹdu ye mbufo.+
3 Nnyịn imesikọm+ Abasi kpa Ete Ọbọn̄ nnyịn Jesus Christ kpukpru ini ke ini ibọn̄de akam iban̄a mbufo,+
4 sia nnyịn ima ikokop iban̄a mbuọtidem mbufo ke Christ Jesus ye ima oro mbufo ẹnyenede ẹnọ kpukpru ndisana owo+
5 ke ntak idotenyịn+ emi ẹnịmde ẹnọ mbufo ke heaven.+ Mbufo ẹkebem iso ẹkop ẹban̄a idotenyịn emi ebe ke akpanikọ oro ẹkekwọrọde, kpa eti mbụk+
6 emi ẹkesịmde mbufo, emi on̄wụmde mfri+ onyụn̄ ọkọride+ ke ofụri ererimbot+ nte onyụn̄ edide ke otu mbufo, toto ke usen oro mbufo ẹkekopde ẹnyụn̄ ẹtịmde ẹfiọk se mfọnido Abasi oro owo mîdotke+ edide ke akpanikọ.+
7 Oro edi se mbufo ẹkekpepde ẹto Epaphras+ edima ekemmọ ofụn, emi edide anam-akpanikọ asan̄autom Christ ke ibuot nnyịn,
8 emi n̄ko akayararede ima+ emi spirit Abasi anamde mbufo ẹma nnyịn.
9 Ntak n̄ko edi oro, toto ke usen oro ikokopde n̄kpọ emi, nnyịn itreke ndibọn̄ akam mban̄a mbufo+ nnyụn̄ mben̄e nte mbufo ẹkpekam ẹyọhọ ye nnennen ifiọk+ uduak esie ke kpukpru ọniọn̄+ ye ifiọk emi spirit esie ọnọde,+
10 man ẹsan̄a nte odotde+ ye Jehovah,+ ẹnem enye esịt ọyọhọ ọyọhọ nte mbufo ẹkade iso ẹn̄wụm mfri ke kpukpru nti utom+ ẹnyụn̄ ẹkọride ke nnennen+ ifiọk Abasi,
11 man ẹkpeda kpukpru odudu ẹsọn̄ọ mbufo idem ke udomo oro ekemde ye ubọn̄ ubọn̄ ukeme+ esie man ẹnen̄ede ẹyọ+ ẹnyụn̄ ẹnyene anyanime ye idatesịt,
12 ẹkọm Ete emi akanamde mbufo ẹdot ndibuana ke udeme+ ndisana owo+ emi ẹdude ke un̄wana.+
13 Enye ama anyan̄a nnyịn osio ke odudu+ ekịm onyụn̄ esịn+ nnyịn ke obio ubọn̄+ Eyen ima esie,+
14 emi otode ke enye ẹsio nnyịn ke ufụn ebe ke ufak, kpa edifen mme idiọkn̄kpọ nnyịn.+
15 Enye edi mbiet+ Abasi oro enyịn mîkwe,+ kpa akpan+ ke otu kpukpru edibotn̄kpọ;
16 koro ẹkebot kpukpru n̄kpọ eken ke heaven ye ke isọn̄ oto ke enye,+ se ẹkemede ndikụt ye se owo mîkemeke ndikụt, ẹdide mme ebekpo m̀mê itie ubọn̄ m̀mê mme ukara m̀mê mme odudu.+ Ẹkebot kpukpru n̄kpọ eken oto ke enye+ ẹkenyụn̄ ẹbot ẹnọ enye.
17 N̄ko, enye odu mbemiso kpukpru n̄kpọ+ eken ndien ẹkenam kpukpru n̄kpọ eken ẹdidu+ oto ke enye,
18 enye onyụn̄ edi ibuot ọnọ idem, kpa esop.+ Enye edi ntọn̄ọ, akpan emi edide akpa ndiset ke n̄kpa,+ man enye akpakabade edi ebeiso+ ke kpukpru n̄kpọ;
19 koro Abasi ama okụt ete ọfọn ndiyak kpukpru n̄kpọ ẹdụn̄ enye ke idem ke ọyọhọ udomo,+
20 nnyụn̄ nda enye nnam kpukpru n̄kpọ+ eken ẹfiak ẹtie ke emem+ ye enye ebe ke ndida iyịp+ oro enye ọkọduọkde ke eto ndutụhọ+ nnam emem,+ edide mme n̄kpọ eke ẹdude ke isọn̄ m̀mê mme n̄kpọ eke ẹdude ke heaven.
21 Ke akpanikọ, mbufo emi ini kiet ko ẹkedian̄arede+ ẹda ẹnyụn̄ ẹdide mme asua ke ntak emi ekikere mbufo okodude ke mme utom eke ẹdiọkde,+
22 enye ke emi amada obụkidem owo oro anam ẹfiak ẹdu ke emem+ ebe ke n̄kpa+ esie, man anam mbufo ẹdi edisana ẹnyụn̄ ẹnana ndo+ ẹkûnyụn̄ ẹnyene se ẹtịn̄de ẹdian+ mbufo ke iso esie,
23 ama akam edi mbufo ke ẹka iso ke mbuọtidem,+ ẹwụhọ ke itiat idakisọn̄+ ẹnyụn̄ ẹsọn̄ọ ẹda,+ idian̄akede ikpọn̄ idotenyịn eti mbụk oro mbufo ẹkekopde,+ emi ẹkenyụn̄ ẹkwọrọde+ ẹnọ kpukpru edibotn̄kpọ+ ke idak ikpaenyọn̄. Ami Paul n̄kakabade ndi asan̄autom+ ke ntak eti mbụk emi.
24 Ami ke emi mmadara ke ndutụhọ oro mbọde kaban̄a mbufo,+ ndien ami n̄ko mbọ se isụhọde ke ukụt+ Christ ke obụkidem mi, man ọfọn ye idem esie, emi edide esop.+
25 Mma n̄kabade ndi asan̄autom+ esop emi nte asan̄ade ekekem ye itie akama-ukpọhọde+ eke otode Abasi, emi ẹkenọde mi ke ufọn mbufo ẹte n̄kwọrọ ikọ Abasi ọyọhọ ọyọhọ,
26 kpa edisana ndịben̄kpọ+ emi ekedịbede ke mme editịm n̄kpọ+ emi ẹkebede ye mme emana emi ẹkebede. Edi ẹmeyarade+ enye ke emi ẹnọ ndisana ikọt esie,
27 emi enemde Abasi esịt ndinam ẹfiọk uwak+ ubọn̄ eke ẹdude ke edisana ndịben̄kpọ+ emi ke otu mme idụt. Emi edi Christ+ emi abuanade n̄kpọ ye mbufo, kpa idotenyịn ubọn̄ esie.+
28 Edi enye ke nnyịn ikwọrọ,+ itemede kpukpru owo inyụn̄ idade ofụri ọniọn̄+ ikpep kpukpru owo, man nnyịn ikpemen kpukpru owo inọ Abasi nte mmọ emi ẹyọhọde+ ẹkem ke Christ.
29 Mmọdo ami mmanam utom ọkpọsọn̄, nsịn idem+ ebe ke odudu+ esie emi anamde utom+ ke idem mi.
