2 Chronicle 15;1-19
15 Ekem spirit+ Abasi odoro Azariah eyen Oded+ ke idem.
2 Ndien enye ọwọrọ okosobo ye Asa onyụn̄ ọdọhọ enye ete: “O Asa ye ofụri Judah ye Benjamin, mbufo ẹkpan̄ utọn̄ ẹnọ mi! Jehovah odu ye mbufo adan̄a nte mbufo ẹdude ye enye;+ ndien edieke mbufo ẹyomde+ enye, enye ayayak mbufo ẹkụt enye, edi edieke mbufo ẹkpọn̄de enye, enye ọyọkpọn̄ mbufo.+
3 Ndien usen ẹma ẹwak emi Israel+ mîkenyeneke ata Abasi, emi oku mîkodụhe ndinọ ukpep,+ Ibet mîkonyụn̄ idụhe.
4 Edi ke ini mmọ ẹdude ke nnanenyịn+ mmọ ẹfiak ẹtiene Jehovah Abasi Israel+ ẹkeyom enye, ndien enye ayak mmọ ẹkụt enye.+
5 Ndien ke ini oro, emem ikodụhe inọ owo eke ọwọrọde-wọrọ m̀mê owo eke odụkde-dụk,+ koro ekese ndutịme ẹkedude ke otu mme andidụn̄ ke mme idụt oro.+
6 Ndien idụt kiet anuak idụt+ enye eken mbai mbai, obio kiet onyụn̄ anuak obio enye eken, koro Abasi akadade kpukpru orụk nnanenyịn+ esịn mmọ ke ndutịme.
7 Edi mbufo ẹnyene uko+ ẹkûnyụn̄ ẹyak ubọk emem+ mbufo, koro mbufo ẹyebọ utịp+ utom mbufo.”
8 Ke ndondo oro Asa okopde ikọ emi ye ikọ prọfet Oded,+ enye enyene uko onyụn̄ osion̄o mme mbubiam n̄kpọ+ efep ke ofụri isọn̄ Judah ye Benjamin ye ke mme obio oro enye akadade enyene ke obot obot ikpehe Ephraim,+ enye onyụn̄ ọdiọn̄ itieuwa Jehovah oro okodude ke iso etehe Jehovah.+
9 Ndien enye atan̄ ofụri Judah ye Benjamin+ ye mme odudụn̄+ emi ẹdude ye mmọ, emi ẹtode Ephraim ye Manasseh ye Simeon obon ọtọkiet, koro mmọ ẹkewọrọde ọkwọkudịm ke Israel ẹdidiana ye enye ke ini mmọ ẹkụtde ke Jehovah Abasi odu ye enye.+
10 Ntre ẹtan̄ mmọ ẹbon ọtọkiet ke Jerusalem ke ọyọhọ ọfiọn̄ ita ke ọyọhọ isua efịt emi Asa akarade.
11 Ndien mmọ ẹda mme n̄kpọ mbụme oro mmọ ẹkedade ẹdi, enan̄ ikie itiaba ye erọn̄ tọsịn itiaba, ẹwa uwa ẹnọ Jehovah.
12 N̄ko-n̄ko, mmọ ẹdụk ediomi+ ndiyom Jehovah Abasi mme ete ete mmọ ke ofụri esịt mmọ ye ke ofụri ukpọn̄ mmọ;+
13 nte ke ẹnyene ndiwot+ owo ekededi eke mîdiyomke Jehovah Abasi Israel, edide ekpri onyụn̄ edide akamba,+ edide erenowo onyụn̄ edide n̄wan.+
14 Ntre mmọ ẹn̄wọn̄ọ+ ẹnọ Jehovah ke ọkpọsọn̄ uyo ye n̄kpo idara ẹnyụn̄ ẹfri mme obukpon̄ ye mme nnụk.
15 Ndien ofụri Judah ẹdat esịt+ ke se ẹken̄wọn̄ọde; koro mmọ ẹken̄wọn̄ọde ke ofụri esịt mmọ ẹnyụn̄ ẹyomde enye ye ọyọhọ inemesịt, ntre enye ayak mmọ ẹkụt enye;+ ndien Jehovah ọnọ mmọ nduọkodudu akanade okụk.+
16 Ndien Edidem Asa ke idemesie+ odorode Maacah,+ eka ete esie, efep ke itie ọbọn̄ an̄wan,+ koro enye akanamde oburobụt mbiet ọnọ eto utuakibuot;+ ndien ekem Asa esịbe oburobụt mbiet+ oro ọduọk onyụn̄ anuak enye onyụn̄ ọfọp+ enye ke itịghede mmọn̄ Kidron.+
17 Edi mme edikon̄ ebiet+ ẹkesụk ẹdodu ke Israel.+ Edi Asa ama anam n̄kpọ Abasi ke ofụri esịt ke ofụri eyouwem esie.+
18 Ndien enye atan̄ mme n̄kpọ emi ete esie akanamde ẹsana ye mme n̄kpọ+ emi enye ke idemesie akanamde ẹsana edidọn̄ ke ufọk ata Abasi, oro edi, silver ye gold ye n̄kpoduoho+ unamn̄kpọ.
19 Edi ekọn̄ ikodụhe tutu esịm ọyọhọ isua edịp ye efịt emi Asa akakarade.+
