1 Ndidem 11;1-43
11 Ndien Edidem Solomon ama ediwak isen iban+ ọkọrọ ye eyen Pharaoh,+ ye iban Moab,+ ye eke Ammon,+ ye Edom,+ ye Sidon+ ye Hittite,+
2 emi ẹtode idụt emi Jehovah ọkọdọhọde nditọ Israel ete: “Mbufo ẹkûdụk ke otu mmọ,+ mmọ ẹkûnyụn̄ ẹdụk ke otu mbufo; ke akpanikọ, mmọ ẹyewọn̄ọde mbufo esịt ẹtiene mme abasi+ mmọ.” Edi kpa mmọ ke Solomon ekeyịre+ ama.
3 Ndien enye ọdọ iban ikie itiaba, ndien mmọ ẹdi iban edidem, enye onyụn̄ enyene iban esa ikie ita; ndien sụn̄sụn̄,+ iban esie emi ẹwọn̄ọde enye esịt.
4 Edikem ke ini Solomon ọsọn̄de,+ iban esie ẹwọn̄ọde+ enye esịt etiene mme abasi efen;+ ndien enye isan̄ake aba ke ofụri+ esịt ye Jehovah Abasi esie nte David ete esie akasan̄ade.
5 Ndien Solomon etiene Ashtoreth,+ kpa abasi-an̄wan mbon Sidon onyụn̄ etiene Milcom,+ emi edide mbubiam n̄kpọ mbon Ammon.
6 Ndien Solomon anam se idiọkde+ ke enyịn Jehovah, enye inyụn̄ itieneke Jehovah ọyọhọ ọyọhọ nte David ete esie eketienede.+
7 Ini oro ke Solomon ọkọbọp edikon̄ ebiet+ ọnọ Chemosh+ kpa mbubiam+ n̄kpọ mbon Moab ke obot+ oro asakde iso+ ese Jerusalem, onyụn̄ ọbọp ọnọ Molech, kpa mbubiam n̄kpọ nditọ Ammon.
8 Ntem ke enye akanam ọnọ kpukpru isen iban+ esie emi ẹkesinamde nsụn̄ikan̄ uwa ọwọrọ ọdọk ẹnyụn̄ ẹwade uwa ẹnọ mme abasi+ mmọ.
9 Ndien Jehovah ayat esịt+ ye Solomon, koro esịt esie ọkọwọn̄ọrede ọkpọn̄ Jehovah Abasi Israel,+ kpa enye emi okowụtde enye idem utịm ikaba.+
10 Enye ama onyụn̄ ọnọ enye ewụhọ aban̄a n̄kpọ emi ete enye okûtiene mme abasi efen;+ edi enye inịmke ewụhọ Jehovah.
11 Ndien Jehovah ọdọhọ Solomon ete: “Sia afo anamde n̄kpọ emi mûnyụn̄ unịmke ediomi mi ye mme ewụhọ oro n̄kowụkde fi, nditreke ndiwai ubọn̄ nsio fi ke ubọk, nyonyụn̄ nda enye nnọ asan̄autom+ fo.
12 Edi ndinamke emi ke eyo fo+ ke ntak David ete+ fo. Ndiwai enye nsio eyen fo ke ubọk.+
13 N̄kukụre edi nte ke ndiwaike ofụri ubọn̄ nsio fi ke ubọk.+ Nyọnọ eyen fo esien kiet, ke ntak David asan̄autom+ mi ye ke ntak Jerusalem emi n̄kemekde.”+
14 Ndien Jehovah anam owo adaha ada ọbiọn̄ọ+ Solomon,+ oro edi, Hadad owo Edom emi otode ke otu nditọ edidem. Enye okodu ke Edom.+
15 Edikem ke ini David owotde mbon Edom,+ ke ini Joab etubom udịmekọn̄ ama ọkọdọk edi ndibụk mbon oro ẹkewotde, enye owot kpukpru irenowo ke Edom.+
16 (Koro Joab ye ofụri Israel ẹkedụn̄de do ke ọfiọn̄ itiokiet tutu enye esịbe kpukpru irenowo ke Edom efep.)
17 Edi Hadad ye ndusụk iren Edom emi ẹkedide mme asan̄autom ete esie ẹfen̄e ẹka Egypt, ke ini Hadad ekedide eyenọwọn̄.
18 Ndien mmọ ẹdaha ke isọn̄ Midian+ ẹdi Paran ẹdida irenowo ke Paran+ ẹsan̄a ẹka Egypt ke ọtọ Pharaoh edidem Egypt, emi ọkọnọde enye ufọk. Enye onyụn̄ ọnọ enye udia ye isọn̄.
19 Ndien Hadad okụt mfọn+ ke iso Pharaoh, tutu enye ọnọ enye n̄wan,+ kpa eyeneka n̄wan esie, eyeneka Tahpenes ọbọn̄ an̄wan.
20 Ekem eyeneka Tahpenes aman Genubath, eyeneren, ọnọ enye ndien Tahpenes anam ẹsio enye ke eba+ ke esịtufọk Pharaoh; Genubath onyụn̄ odu ke ufọk Pharaoh ke otu nditọiren Pharaoh.
21 Ndien Hadad etie ke Egypt okop ke David ama osụhọde ana ye mme ete ete+ esie ye nte ke Joab etubom udịmekọn̄ ama akpa+ n̄ko. Ntre Hadad ọdọhọ Pharaoh ete: “Yak mi nnyọn̄+ idụt nnyịn.”
22 Edi Pharaoh obụp enye ete: “Nso inana fi ke emi odude mi ye ami, emi afo oyomde ndinyọn̄ idụt mbufo?” Ndien enye ọbọrọ ete: “N̄kpọ inanake mi; edi mbọk yak mi nnyọn̄.”
23 Ndien Abasi anam owo en̄wen adaha ada ọbiọn̄ọ+ enye, oro edi, Rezon eyen Eliada, emi ekefehede ọkpọn̄ Hadadezer+ edidem Zobah+ ọbọn̄ esie.
24 Ndien enye atan̄ mme owo adian idem onyụn̄ akabade etubom mbon n̄wo, ke ini David okowotde mmọ.+ Ntre mmọ ẹka Damascus+ ẹkedụn̄ do ẹnyụn̄ ẹkara ke Damascus.
25 Ndien enye edi andibiọn̄ọ Israel ke ofụri eyo Solomon,+ ọkọrọ ye idiọk oro Hadad akanamde; enye onyụn̄ asua+ Israel ke ini oro enye akarade Syria.
26 Ndien Jeroboam+ eyen Nebat owo Ephraim odu n̄ko emi otode Zeredah, onyụn̄ edide asan̄autom Solomon,+ eka esie ekekere Zeruah, onyụn̄ edi ebeakpa. Enye n̄ko emenede ubọk esie an̄wana ye edidem.+
27 Ndien se ikanamde enye emenede ubọk an̄wana ye edidem edi emi: Solomon ama ọbọp Edikon̄ Ebiet.+ Enye ama esịri ufan̄ oro okodude ke ibibene Obio David ete esie.+
28 Ndien Jeroboam ekedi ọkpọsọn̄ owo uko.+ Ke ini Solomon okokụtde ke akparawa emi ọfiọk ndinam ọkpọsọn̄ utom,+ enye anam enye edi esenyịn+ kpukpru ọkpọsọn̄ utom+ ufọk Joseph.+
29 Edikem ke ini oro, Jeroboam oto Jerusalem edi, ndien Ahijah+ prọfet Shiloh+ okụt enye ke usụn̄, Ahijah ama onyụn̄ esịne obufa ọfọn̄idem; ndien mmọ mbiba kpọt ẹdu ke in̄wan̄.
30 Ndien Ahijah omụm obufa ọfọn̄idem oro enye esịnede awai+ ke mbak duopeba.+
31 Enye onyụn̄ ọdọhọ Jeroboam ete:
“Da mbak duop ke idemfo; koro ntem ke Jehovah Abasi Israel ọdọhọ ete, ‘Sese mmawai ubọn̄ nsio Solomon ke ubọk, mmọn̄ nnyụn̄ nnọ fi esien duop.+
32 Ndien enye oyosụk enyene esien kiet+ ke ntak David+ asan̄autom mi ye ke ntak Jerusalem,+ obio oro n̄kemekde ke otu ofụri esien Israel.
33 Ntak edi koro mmọ ẹmekpọn̄ mi+ ẹnyụn̄ ẹnụhọ ẹnọ Ashtoreth,+ abasi-an̄wan mbon Sidon, ye Chemosh,+ abasi mbon Moab, ye Milcom,+ abasi nditọ Ammon; ndien mmọ isan̄ake ke usụn̄ mi ke ndinam se inende ke iso mi inyụn̄ isan̄ake ke mme ewụhọ ye mme ibet mi nte David ete esie akasan̄ade.
34 Edi ndibọhọ enye ofụri ubọn̄ ke ubọk, koro nyenịm enye ke etubom ke ofụri eyouwem esie, ke ntak David asan̄autom mi emi n̄kemekde,+ koro enye ekenịmde mme ibet mi ye mme ewụhọ mi.
35 Ndien nyọbọ eyen esie itie edidem ke ubọk nnọ fi, oro edi, esien duop.+
36 Ndien nyọnọ eyen esie esien kiet, man David asan̄autom mi aka iso enyene utuenikan̄ kpukpru ini ke iso mi ke Jerusalem,+ kpa obio oro n̄kemekde nnọ idem mi ndinịm enyịn̄ mi do.+
37 Ndien afo edi owo oro ndidade, afo oyonyụn̄ akara kpukpru se idọn̄de ukpọn̄ fo,+ oyonyụn̄ akabade edi edidem Israel.
38 Ndien ama ekem, edieke afo edinamde kpukpru se ndiwụkde fi, onyụn̄ asan̄ade ke usụn̄ mi onyụn̄ anamde se inende mi ke enyịn ke ndinịm mme ewụhọ mi, kpa nte David asan̄autom mi akanamde,+ ami n̄ko nyodu ye afo,+ ndien ami nyọbọp ufọk eke edibịghide nnọ fi, kpa nte n̄kọbọpde nnọ David,+ ndien nyọnọ fi Israel.
39 Ndien nyesuene nditọ David ke ntak emi,+ edi ididịghe kpukpru ini.’”+
40 Ndien Solomon oyom Jeroboam ndiwot.+ Ntre Jeroboam efehe+ aka Egypt ebịne Shishak+ edidem Egypt, enye onyụn̄ odu ke Egypt tutu Solomon akpa.
41 Amaedi mme n̄kpọ en̄wen emi ẹban̄ade Solomon ye kpukpru se enye akanamde ye ọniọn̄ esie, nte owo iwetke mmọ isịn ke n̄wed n̄kpọntịbe eyo Solomon?
42 Ndien Solomon akara ofụri Israel ke Jerusalem ke isua aba.+
43 Ekem Solomon osụhọde ana ye mme ete ete+ esie, ndien ẹbụk enye ke Obio David+ ete esie; ndien Rehoboam+ eyen esie akara ke itie esie.
