Ðe wòhiã be nàna míanya do ŋgɔ hafi nàva be yeaɖi tsa? Ɛ̃. Be tsaɖilawo nagasɔ gbɔ akpa o eye míate ŋu awɔ ɖoɖo be ame aɖe nakplɔ wo atsae la, míedi tso ame siwo katã ava ɖi tsa la si be woana míanya do ŋgɔ hafi woava, ne wosɔ gbɔ alo le ʋɛ hã. Míeɖe kuku, na míanya nu tso wò tsaɖiɖia ŋu kwasiɖa ɖeka ya teti do ŋgɔ ne anya wɔ. Ðoɖo meli be amewo nava ɖi tsa le kwasiɖanuwuwuwo alo ne míekpa le dɔme vɔ megbe o.

Ne mèna míenya do ŋgɔ hafi nèva o la, ɖe wòanya wɔ be woakplɔ wò aɖi tsa? Ne mèna míenya do ŋgɔ hafi nèva o la, ɖewohĩ manya wɔ be míakplɔ wò aɖi tsae o.

Ga nenie wòle be nàva ɖo hena wò tsaɖiɖia? Be tsaɖilawo nagasɔ gbɔ akpa o la, míeɖe kuku ɣeyiɣi si nàva ɖo la megawu miniti 15 do ŋgɔ na ɣeyiɣi si nètia be woakplɔ wò atsae o.

Aleke nàwɔ abia mɔ na tsaɖiɖi? Zi “Na Nyanya Be Yeava Ði Tsa” dzi.

Ðe wòanya wɔ be nàwɔ asitɔtrɔ le wò tsaɖiɖi ƒe ɖoɖoa ŋu alo ate fli ɖe emea? Ɛ̃. Be nàwɔ esia la, zi “Kpɔe Ða Alo Trɔ Asi Le Eŋu” dzi.

Ke ne mɔ meli le ŋkeke si nètia dzi o ya ɖe? Nɔ míaƒe nyatakakadzraɖoƒea yim. Mɔnukpɔkpɔ va ʋuna ɖi ne ame bubuwo wɔ asitɔtrɔ le woƒe tsaɖiŋkekea ŋu alo wote fli ɖe woƒe vava ƒe ɖoɖoa me.

10 Airport Settlement XIII St.

TBILISI, 0182

GEORGIA

+995 32-276-23-59

+995 597-71-00-00

Míekpɔa gbeƒãɖeɖedɔa dzi le Georgia kple Azerbaijan, eye míeɖea Biblia-srɔ̃gbalẽwo gɔme ɖe Azerbaijangbe, Georgiagbe, Kurdish Kurmanji (Caucasus kple Cyrillic), kple Mingreliagbe me. Míewɔa ŋkunɔwo ƒe agbalẽwo ɖe Georgiagbe me.

Wɔ Tsaɖigbalẽvia Ƒe Kɔpi