Do ŋgɔ teti na ƒe 32 K.Ŋ. ƒe Ŋutitotoŋkekenyuia ɖuɖu la, Yesu wɔ nukunu aɖe, eye nukunu siae nye esi ŋu Nyanyuigbalẽ ŋlɔla eneawo katã ƒo nu tsoe.

To nukunu sia dzi la, Yesu ɖo mɔnu aɖe si dzi tom wògale le amewo nyim le míaƒe ŋkekea me la anyi.

14:16-21

• Yesu gblɔ na eƒe nusrɔ̃lawo be woana nuɖuɖu amehawo togbɔ be abolo atɔ̃ kple tɔmelã eve koe nɔ wo si hã

• Yesu tsɔ aboloawo kple tɔmelãawo, eye esi wòdo gbe ɖa vɔ la, ema wo na nusrɔ̃lawo, eye woawo hã ma wo na amehaawo

• Nukutɔe la, wo dometɔ ɖe sia ɖe ɖu nu ɖi ƒo. Yesu nyi ame akpe geɖewo to ame ʋɛ, siwo nye eƒe nusrɔ̃lawo dzi

• Yesu gblɔe ɖi be le ŋkeke mamlɛawo me la, yeaɖo mɔnu aɖe anyi si dzi yeato ana ‘gbɔgbɔmenuɖuɖu le ɣeyiɣi nyuitɔ dzi.’—Mt 24:45

• Le ƒe 1919 me la, Yesu ɖo “kluvi nuteƒewɔla kple aɖaŋudzela” si nye nɔviŋutsu amesiaminawo ƒe ƒuƒoƒo sue aɖe, eye wòtsɔe ɖo “eƒe aƒemesubɔviwo” nu be woanyi wo

• To nɔviŋutsu amesiaminawo ƒe ƒuƒoƒo sue sia dzi la, Yesu gayi edzi le mɔnu si wòzã le ƒe alafa gbãtɔ me la zãm

Nu kae mawɔ wòafia be mede dzesi mɔnu si zãm Yesu le tsɔ le eƒe amewo nyim le gbɔgbɔ me, eye be medea bubu mɔnu sia ŋu?