Satana tea amewo kpɔna be woawɔ nugbegblẽ. Ele be amesi di be yeanye Mawu xɔlɔ̃ nalé fu nusi Yehowa lé fui. (Psalmo 97:10) Nusiwo Mawu xɔlɔ̃wo tsrina dometɔ aɖewoe nye si:

Gbɔdɔdɔ me nuvɔ̃wo. “Megawɔ ahasi o.” (Mose II, 20:14) Gbɔdɔdɔ do ŋgɔ na srɔ̃ɖeɖe hã menyo o.—Korintotɔwo I, 6:18.

Ahamumu. “Ahamulawo . . . [manyi] mawufiaɖuƒe la ƒe dome o.”—Korintotɔwo I, 6:10.

Amewuwu, Fuɖeɖe. “Megawu ame o.”—Mose II, 20:13.

Fififi. “Megafi fi o.”—Mose II, 20:15.

Aʋatsokaka. Yehowa lé fu “aʋatsoɖe.”—Lododowo 6:17.

 Ŋutasesẽ Kple Dziku Helĩhelĩ. ‘Yehowa léa fu amesi lɔ̃a ŋutasẽnuwɔwɔ.’ (Psalmo 11:5) ‘Ŋutilã ƒe dɔwɔwɔwo dometɔ aɖee nye dɔmedzoedodo.’—Galatiatɔwo 5:19, 20.

Tsatsadada. ‘Migade ha kple amesi nye ŋubiãla o.’—Korintotɔwo I, 5:11.

Ameƒomeviwo Kple Gbevovovodolawo Dome Fulélewo. “Milɔ̃ miaƒe ketɔwo; . . . eye mido gbe ɖa ɖe amesiwo le mia yome tim la ta.”—Mateo 5:43, 44.

Nusiwo Mawu gblɔna na mí la nyo na mía ŋutɔwo. Mele bɔbɔe ɣesiaɣi be woatsri nugbegblẽwɔwɔ o. Le Yehowa ƒe kpekpeɖeŋu kple eƒe Ðasefowo ƒe kpekpeɖeŋu me la, àte ŋu aƒo asa na nusiwo medzea Mawu ŋu o la wɔwɔ.—Yesaya 48:17; Filipitɔwo 4:13; Hebritɔwo 10:24, 25.