Akpa 9 Lia Ƒe Ŋgɔdonya
Akpa sia ƒo nu tso ɖeviwo, nyagblɔɖilawo kple fia siwo xɔ Yehowa dzi se le mɔ wɔnukuwo nu la ŋu. Israel nyɔnuvi aɖe si nɔ Siria-nyigba dzi la xɔe se be Yehowa ƒe nyagblɔɖila ate ŋu ada dɔ na Naaman. Nyagblɔɖila Elisa ka ɖe edzi bliboe be Yehowa akpɔ ye ta tso aʋawɔla siwo nye eƒe futɔwo la si me. Nunɔlagã Yehoyada de eƒe agbe afɔku me tsɔ kpɔ Yehoas ta le eƒe ɖevime tso mamaa vɔ̃ɖi Ataliya si me. Fia Hizkiya ka ɖe edzi be Yehowa axɔ na Yerusalem eye mevɔ̃ Asiriatɔwo ƒe ŋɔdzidodoa o. Fia Yosiya ɖe trɔ̃subɔsubɔ ɖa le anyigba la dzi, eɖɔ gbedoxɔa ɖo eye wòna dukɔa gatrɔ ɖe tadedeagu vavãtɔ ŋu.
LE AKPA SIA
NUSƆSRƆ̃ 51
Aʋakalẽtɔ Aɖe Kple Nyɔnuvi Sue La
Israel nyɔnuvi aɖe le Yehowa ƒe ŋusẽ triakɔ la ŋu nya gblɔm na eƒe aƒenɔ—nu wɔnuku aɖee do go tso eme.
NUSƆSRƆ̃ 52
Yehowa Ƒe Aʋakɔ Dziŋɔ La
Nu si na Elisa ƒe subɔvi va kpɔe be ‘ame siwo le mía dzi la sɔ gbɔ wu ame siwo le wo dzi.’’
NUSƆSRƆ̃ 54
Yehowa Gbɔ Dzi Ði Na Yona
Aleke wòdzɔe be tɔmelã gã aɖe mi Mawu ƒe nyagblɔɖila aɖe? Aleke wòwɔ do go? Eye nu kae wòsrɔ̃ tso Yehowa gbɔ?
NUSƆSRƆ̃ 55
Yehowa Ƒe Dɔla Aɖe Kpɔ Hizkiya Ta
Yudatɔwo ƒe futɔwo gblɔ be Yehowa makpɔ eƒe amewo ta o, gake woda ƒu!
NUSƆSRƆ̃ 56
Yosiya Lɔ̃ Mawu Ƒe Se La
Yosiya zu Yuda-fia esime wòxɔ ƒe enyi, eye wòkpe ɖe eƒe amewo ŋu wosubɔ Yehowa.
