An mako be limaniya la ka se ka bɔ yɔrɔ dɔ la an be min lɔn ka ɲɛ ani ka yɛlɛma yɔrɔ wɛrɛ walisa ka dɔ fara an ka cidenya baara kan (Eburuw 11:8-10). N’i be miirila k’a filɛ n’i bena taga dɛmɛ don yɔrɔ min na weleweledalaw man ca, baro kɛ ni diinan mɔgɔkɔrɔw ye o koo la. I be se ka labɛn tigitigi jumanw lo kɛ walisa k’a lɔn n’o see b’i ye? Ani, i be se ka labɛn juman lo kɛ walisa k’a filɛ i bena yɛlɛma yɔrɔ min na? A filɛ an ka gafew be min fɔ o koo la. Minw delila ka taga dɛmɛ don kafo wɛrɛ la, baro kɛ n’olu dɔw ye (Talenw 15:22). Jehova deli a k’i ɲɛminɛ (Zaki 1:5). N’i be miirila ka taga yɔrɔ dɔ la, a ɲini ka kunnafoniw sɔrɔ o yɔrɔ koo la. N’i be se, taga tile damanin kɛ yen fɔlɔ.

VIDEWO NIN FILƐ: DAA MIN YƐLƐLA I YE KA BAARA CAAMAN KƐ DON O FƐ NI LIMANIYA YE—YƐLƐMA YƆRƆ MIN NA WELEWELEDALAW MAN CA. O KƆ, ƝININGALI NIN JAABI:

• Gabriel ye see sɔrɔ gwɛlɛya jumanw lo kan ani mun lo y’a dɛmɛ?