Laban loon nunu na, gwɛlɛyaw ka ca. K’a to an be gwɛrɛla duniɲa nin laban na, gwɛlɛyaw bena to ka caya le ka taga, siga t’o la. N’a sɔrɔ an bena dɛsɛ an makoyafɛn dɔw la yɛrɛ (Abak. 3:16-18). Mun lo be se k’an dɛmɛ ka wariko gwɛlɛyaw muɲu? An ka to k’an jigi la an ka Ala Jehova kan. A y’a daa di ko a ben’a janto a sagokɛlaw la, ani see b’a ye k’a janto an na an ka koow mana kɛ cogo o cogo.—Zab. 37:18, 19; Eburuw 13:5, 6.

I be se ka min kɛ:

• Jehova deli a k’i ɲɛminɛ, a ka hakilitigiya d’i ma ani a k’i dɛmɛ.—Zab. 62:9

• I tun ma deli ka baara min kɛ ka kɔrɔ, sɔn k’o kɛ.—g-F 1/10 8-9, koorilenw

• To ni delinanko ɲumanw ye Alako ta fan fɛ i n’a fɔ ka Bibulu kalan loon o loon, ka taga kafo ka lajɛnw na ani ka waajuli kɛ.

VIDEWO NIN FILƐ: I KA GWASO LƆ WALISA A KA MƐƐN: “MIN B’AW BOLO, O K’AW WASA.” O KƆ, ƝININGALI NUNU JAABI:

• Gwɛlɛya jumanw lo tun be denbayamɔgɔ dɔw kan?

• Mun lo kɔrɔtanin lo an ka ɲɛnamaya la ka tɛmɛ fɛɛn bɛɛ kan?

• Wariko gwɛlɛya be minw kan, an be se k’u dɛmɛ cogo di?