Jehova tun y’a fɔ a ka jama ye ko fɛɛn o fɛɛn tun be se k’u kunnatiɲɛ, u k’o bɔ layidu jamana kɔnɔ (Nɔnb. 33:52; w10-F 8/1 23).

U tun be jijali minw kɛra walisa ka jamana kuturu bɛɛ minɛ, Jehova tun bena u duga o kosɔn (Nɔnb. 33:53).

Ni Israɛldenw tun ma jamana kuturu bɛɛ minɛ u juguw bolo, u tun bena gwɛlɛyaw sɔrɔ (Nɔnb. 33:55, 56; w08-F 2/15 27 § 5-6; it-1-F 392 § 4).

Fɛɛn o fɛɛn bɛnnin tɛ Jehova ka sariyaw ma, ani fɛɛn o fɛɛn be se k’an ka batoli nɔgɔ, an ka kan k’an yɛrɛ tanga u ma walisa k’an koo diya Jehova ye (Zaki 1:21). Jehova be fanga di an ma walisa an k’an ka nege juguw kɛlɛ ani k’an yɛrɛ tanga duniɲa nin ka miiriya juguw ma.