NAFOLOFƐNW ALA KA KUMA KƆNƆ | LEVITIKI 1-3
Sarakaw kuun tun ye min ye
Musa ka sariya kɔnɔ, a tun fɔra Israɛldenw ye k’u tun ka ɲi ka saraka dɔw bɔ. O sarakaw tun ka di Jehova ye ani u tun ye Yezu ka kunmabɔ saraka tagamasiɲɛ le ye. U tun b’a yira fana Yezu ka kunmabɔ saraka tun bena an nafa cogo minw na.—Eburuw 8:3-5; 9:9; 10:5-10.
-
Israɛldenw tun be bɛgɛn minw saraka, u tun ka ɲi ka kɛ bɛgɛn ɲumanw lo ye, fiyɛn tɛ minw na. O cogo kelen na, Yezu y’a farikolo dafanin lo saraka, fiyɛn foyi tun t’a la.—1 Piyɛri 1:18, 19; jaa lajɛ ɲɛɛ fɔlɔ kan.
-
Israɛldenw tun be saraka jɛnitaw kuturu bɛɛ di Ala ma. O cogo kelen na, Yezu y’a yɛrɛkun bɛɛ di Jehova ma.
-
Israɛlden minw tun be jɛnɲɔgɔnya saraka bɔ, u tun be hɛɛrɛ la ni Ala ye. O cogo kelen na, kerecɛn mɔlenw, olu minw be buru dumu ani ka diwɛn min Matigi ka surafana na, u be hɛɛrɛ la ni Ala ye.
