Yezu y’a niin saraka mɔgɔ dafabaliw kosɔn (Ɔrɔm. 5:8). Siga t’a la a ka di an bɛɛ ye k’a ye ko Yezu y’a yira ko a b’an kanu sabu a y’a niin di an kelen kelen bɛɛ kosɔn. Nka, n’a sɔrɔ tuma dɔw la, an ka ɲi k’a to an hakili la ko Krista sara an balimaw fana kosɔn. An balimaw ye mɔgɔ dafabaliw ye i ko anw. An be se k’a yira cogo di ko an b’u kanu i ko Krista y’an kanu cogo min na? An ka koo saba nunu kɛ k’a filɛ. Fɔlɔ, an ni minw bɔyɔrɔ tɛ kelen ye, an be se k’u kɛ an teriw ye (Ɔrɔm. 15:7; 2 Kor. 6:12, 13). A filanan, an k’an janto an kana don mɔgɔw gasi la an ka kumaw n’an ka kɛwalew fɛ (Ɔrɔm. 14:13-15). A laban, ni mɔgɔ dɔ donna an gasi la, an ka sin ka yafa o tigi ma (Luka 17:3, 4; 23:34). N’an b’an jija kosɔbɛ ka Yezu ladegi o koo saba nunu na, Jehova bena an ka kafo duga: hɛɛrɛ ni duga bena kɛ yen.

VIDEWO NIN FILƐ: DƆ FARA I KA JOGO ƝUMANW KAN! O KƆ, ƝININGALI NUNU JAABI:

• A daminɛ na, Miki tun be mun lo miiri a ka kafomɔgɔw koo la?

• Mun lo y’a to a y’a ka miiriya yɛlɛma?

• Yezu ka ɲɛyirali ye Miki dɛmɛ cogo di k’a ka miiriya latilen? (Mariki 14:38).

• Talenw 19:11 be se k’an dɛmɛ cogo di ka kɛ ni miiriya ɲuman ye an kerecɛnɲɔgɔnw koo la?