KERECƐNW KA ƝƐNAMAYA
A ɲini k’i ka waajuli kɛcogo fisaya: kalandenw degi u ka kalan labɛn
MUN NA A KƆRƆTANIN LO: Ni kalandenw b’u yɛrɛ labɛn kalan kama, o be se k’u dɛmɛ ka kalan faamu ani k’o mara. O bena u dɛmɛ ka ɲɛtaga kɛ joona joona. Hali n’u nana batɛmu ta, u mako bena kɛ a la k’u yɛrɛ labɛn lajɛnw ani waajuli baara kama walisa ka to ɲɛɛ na (Mat. 25:13). Nka, k’a lɔn kalan be kɛ cogo min na ani ka kɛ ni delinanko ɲuman ye kalan koo ta fan fɛ, o bena u nafa u ka ɲɛnamaya la. Kabi a daminɛ na, an ka ɲi ka kalandenw dɛmɛ ka kɛ ni delinanko ɲuman ye, o min ye k’u yɛrɛ labɛn bibulukalan kama.
O KƐCOGO:
-
Kɛ ɲɛyirali ɲuman ye (Ɔrɔm. 2:21). Kalan kelen kelen bɛɛ labɛntɔ, miiri kalanden koo la (km 11/15 3). I ye yɔrɔ minw kɔrɔ ci i ka kalankɛ gafe kɔnɔ, a to a k’u filɛ.
-
A jija a k’a yɛrɛ labɛn. Kalan mana sabati, a to a k’a lɔn ko k’a yɛrɛ labɛn, o ye kalan faan dɔ lo ye fana ani a ɲɛfɔ a ye nafa minw b’o la. A yira a la cogo min na a be se ka wagati sɔrɔ ka kalan labɛn. Kalan tuma na, weleweleda dɔw b’u ka gafe di kalanden ma, u ye jaabiliw kɔrɔ ci min kɔnɔ. O be kalanden dɛmɛ k’a ye nafa minw b’a la ka kalan labɛn. N’a y’a ka kalan labɛn, a tando.
-
Kalan labɛncogo yira a la. Ni weleweledala dɔw ye kalan sigi ni mɔgɔ dɔ ye dɔrɔn, u be kalan wagati ta k’a yira kalanden na cogo min na a be se k’a yɛrɛ labɛn kalan kama.
