KERECƐNW KA ƝƐNAMAYA
Ne be se ka kɛ piyɔniye kɔrɔsigi ye tuma juman?
Ezekiyɛli ka yeli b’a yira ko Jehova ka mɔgɔw tun bena sarakaw bɔ Jehova ye ni ninsɔndiya ye. An kelen kelen be se ka tanuli sarakaw bɔ cogo di?—Eburuw 13:15, 16.
Fɛɛrɛ ɲumanba dɔ ye ka kɛ piyɔniye kɔrɔsigi ye. Waajulibaara saan 2018 kɔnɔ, samedilon ni dimansilon duuru be kalo caaman kɔnɔ. Minw be baara kɛ tuma bɛɛ ani u man teli ka waajuli kɛ ni wikɛniw dɔrɔn tɛ, o ye sababu ɲuman ye olu fɛ. Ka fara o kan, weleweledalaw be se k’a latigɛ ka lɛri 30 wala 50 kɛ marisi ni awirili kalow la ani u ka dan na lɔgɔkunw be bɛn kalo minw na.
Nka n’an ka koow cogoya kama an tɛ se ka kɛ piyɔniye kɔrɔsigi ye do? Siga t’a la an be se k’an ka waajuli kɛcogo fisaya. N’a sɔrɔ an be se yɛrɛ ka dɔ fara an ka waajuli baara kan. An ka koow mana kɛ cogo o cogo, kanuya min b’an na Jehova ta fan fɛ, o k’an lasun k’an seko bɛɛ kɛ a ye waajuli baara saan 2018 la!—Oze 14:3.
N’ be se ka Sabina Hernández ka kisɛya ladegi cogo di?
VIDEWO NIN FILƐ: N’ BE SE KA KOO CAAMAN KƐ JEHOVA KA DƐMƐ SABABU FƐ. O KƆ, ƝININGALI NUNU JAABI:
-
Mun lo ye Sabina lasun ka caaman kɛ Jehova ka baara la?
-
Sabina ka koo b’i jija cogo di?
-
Waajuli baara saan 2018 kɔnɔ, i bena se ka kɛ piyɔniye kɔrɔsigi ye kalo jumanw na?
