I kaan kɔrɔta wala a jigi: I kaan kɔrɔta walisa ka miiriya jɔnjɔnw bɔ kɛnɛ kan, ka mɔgɔw lasun ka dɔ kɛ dɔ ye, wala n’i be kitiko dɔ kalanna Bibulu kɔnɔ. I kaan jigi walisa mɔgɔw k’u yɛrɛ ɲininga i bena na min fɔ, walisa k’a kɛ i n’a fɔ i sirannin lo wala ko i be hamina.

I kaan yɛlɛma: I kaan yɛlɛma walisa ka se k’i ka dusukunnataw bɔ kɛnɛ kan i n’a fɔ dusudiya, hami, wala dusukasi.

Kuma joona joona wala dɔɔni dɔɔni: Kuma joona joona walisa k’a yira ko i ɲagalinin lo. Kuma dɔɔni dɔɔni n’i be hakilinata jɔnjɔn dɔw fɔra.