Yesu a bi nje ye taka o njo̱m a njo na si te̱me̱ la sim. A numabe̱ njo̱m i si te̱nge̱n, a dipabe̱ mbe̱ti tete, a kaisabe̱ ka ni si te̱m, a kwesabe̱ muka esibe̱ njo̱m, a bwabe̱ pe̱ kwed’a konjo. To̱ná a si bolino̱ to̱ lambo la bobe, emedi na mulema mwe̱se̱ o bola “longe̱ lao ka diko̱ti ońola bato jita.” (Mateo 20:28; Yohane 15:13) Tatan āno̱ Kiṅ’a Janea la Loba, son a ponda a me̱nde̱ wana te̱me̱ la sim o wase ńe̱se̱, a bo̱le̱ pe̱ njo ná bambam.​—Yesaya 42:3.

 Bibe̱l e malangwa ne̱ni mundi ma wase mu me̱nde̱no̱ be̱ ke̱ Yesu a mábola nika:

•   “Ńabobe a si mabe̱ pe̱; wombo te̱ wum’ao, a mańo̱ngo̱. Nde bamulema mu sibi ba me̱nde̱ sangwa [wase,] na kusa pe̱ njoaso’a munam.”​—Myenge 37:10, 11.

 Ne̱ni jeno̱ ná di lee̱le̱ masoma ońola nje ye̱se̱ Yesu a mábolano̱ ońol’asu na nje a me̱nde̱no̱ pe̱te̱ bola e? Mbadi po̱ ńe nde ná jokwe nje ye “myango ma bwam ma janea la Loba,” mwe̱ndi mwena Yesu a tano̱ a langwa. (Lukas 4:43) Langa tema “Janea la Loba le nde nje e?”