Aneazaa ka a Kristabiiri naŋ da be a Tɛsalonika lantaapuoruu na poɔŋ da be la awommo poɔŋ, kyɛ ba da wulee nɔmmo ko ba Kristabitaaba. (2Ts 1:3, 4) Jehoova puorebiiri naŋ bebe zenɛ ŋa taa la a nɔmmo ŋa tɔ ko ba yɔɔmine naŋ be a tendaa lombori zaa. “Toma Ba Naŋ Maŋ De Te Libie Na Tonɔ Neŋ” yelzuri naŋ be jw.org poɔŋ na wulee soe na mine ba naŋ maŋ de libie na teŋ maŋ iri tere na sonnɔ te yɔɔmine ba awommo saŋa. Te ko yɛŋ garibanyɛ ane yɛ nɔmmo ane lɛ yɛ naŋ maŋ yuoro yɛ nu sonnɔ yɛ yɔɔmine na.

KAA A VIDIO ŊA, TE “MAŊ PUORO LA NAAŊMEN BAREKA A YƐ ZAA ZUIŊ” TEGITEGILƐ, KYƐ PÃÃ IRI A SOOREBIE ŊA NƆƐ:

• Bo toma mine la baŋ maŋ de libie na teŋ iri tere na tonɔ neŋ?

• Boŋ sori kaŋa naŋ soma yaga la teŋ na baŋ tu kyɛ iri libie soŋ te yɔɔdɔba ane te yɔɔpɔgeba naŋ be awommo poɔŋ?​—Kaa a jw.org zie naŋ taa a yelzu naŋ la ka “Vɛŋ Ka Yɛ Boma Yaga Taabo E Terebo A Ba Nandaaloŋ Poɔ”