Ka te Baabole zannezannebaŋ boɔrɔ ka ba baŋ Jehoova soŋ a kyɛ kyili siiloŋ poɔŋ, aseŋ ka ba zanne yɛlɛ yaga poɔ yɛlɛ na teŋ wulo ba na eŋɛŋ. (Mt 5:3; Hi 5:12–6:2) Aseŋ ka ba baŋ lɛ baŋ na tu kyɛ zanne boma ba menneŋ.

Ka yɛ naŋ wa piili zanna a Baabole, ho na toɔ̃ wulee ho Baabole zannezanneba ka ba maŋ daŋ zanne ziiri na yɛŋ na zanne na sɛre kyɛ ka yɛ wa zanna, eŋ ba faŋa ka ba maŋ erɛ lɛ. (mwb18.03-E 6) Soŋ ba ka ba nyɛ ka aseŋ ka ba maŋ puore sɛre kyɛ piili zanna boma ba menneŋ. Ho na toɔ̃ lɛ soŋ baŋ ka ba nyɛ tontoŋ boma baŋ na toɔ̃ de zanne boma ba menneŋ. Wuli ba lɛ baŋ na toɔ̃ nyɛ yelpaala naŋ be jw.org ane JW Broadcasting^® zuŋ. Mɔɔ a kyɛ wuli ba lɛ baŋ na toɔ̃ tu kyɛ kanne a Baabole bebiri zaa, a kyɛ nare ba menne ko a lantaapuoruu lammore na, a kyɛ lɛ toɔ̃ bɔ soorebie ba naŋ taa noɔre iribo. Soŋ ba ka ba maŋ teɛre yɛlɛ na ba naŋ zanna na gaa tɔɔre.

KAA A VIDIO ŊA, SOŊ HO BAABOLE ZANNEZANNEBA KA BA MENNE DIRE SIILOŊ POƆ SIIMAA, KYƐ PÃÃ IRI A SOOREBIE ŊA NƆƐ:

• Sobuo ka Neeta da tu kyɛ soŋ Jade oŋ baŋ ka a Baabole zannoo ba e oŋ na baŋ a soorebie nɔɛ iribo yoŋ?

• Boŋ da soŋ Jade oŋ wa nyɛ ka Jehoova taa la ananso o naŋ yelka te ta tonɔ peɛ̃mo toma?

• Jade da wa nyɛɛŋ ka, ka o naŋ teɛre a Baabole yɛlɛ gaa tɔɔre boŋ aŋ na toɔ̃ somoo ka o e?