LAAFIILOŊ ZIE Sɔrebo na, aseŋ ka ho baŋ ka nimizibaaloŋ yoŋ baŋ kaara beŋ.

LIBIYƐLƐ Ba ŋmeɛ sama yaga kyɛ bɔ a lammo zie, a bɔ boma naŋ vɛŋ ka a yelyaga yire soŋ, a bɔ vidio boma, a e yɛlɛ yaga aŋ vɛŋ ka a lammo zie noma kyɛ soŋ te ka te na toɔ̃ tage peɛle Jehoova. Ka hoŋ yi ho meŋa boɔboŋ iri lubie, a na soŋ yɔɔ la a sama kyɛ soŋ a donɛɛ lombori zaa duoro emmo toma na. Lɛ naŋ na vɛŋ ka a e mɔlɔ ko bo na, ba biŋee libidagre a lammo ŋa zie lombori zaa. Ka hoŋ gaa donate.jw.org meŋ, ho na toɔ̃ iree lubie soŋ. Lubiri zaa hoŋ na toɔ̃ iri na paɛ te niŋe. A Lantaa Zu Kaariba boɔrɔŋ ka ba puori bo bareka aŋa lɛ ho naŋ yi ho poɔ zaa iri lubie soŋ a Naaloŋ toma na.

SONNEBA A sonneba bebeŋ ka ba soŋ bo. Sɔrebo na, ka ba naŋ wa wulo bo zie naŋ seŋ ka ho biŋ ho lɔɔre, ane zie naŋ seŋ ka ho tu, ane zenzie, ane yɛlɛ mine, kyɛnlɛ wono ba yɛlɛ.

SUOBO DEEBO Ba na barɛɛ zenziiri a nimitɔɔreŋ ko bana naŋ na de suobo na, ka lɛ naane ba na terɛɛ duoro. Bana zaa naŋ na de suobo seŋ ka ba wa zeŋ be Asibiti Daare beguo saŋa sɛre kyɛ ka a suobo deebo yelyaga piili. Kaŋa zaa seŋ ka o taa bɔɔdeba ane koɔ̃ bonsuurii naŋ seŋ neŋ waneŋ.

TOMA SOMMO ZIE Sɔrebo na, ka ho naŋ wa boɔrɔ ka ho soŋ toŋ toma naŋ be a lammo zieŋ, de ho yuori te ko a Duoro ane Toma Sommo Zie deme.

ZENZIIRI Sɔrebo na, maŋ teɛrɛ ho taa yɛlɛ. Baŋ ka, ho na baŋ deɛ la zie biŋ ko ho yideme bee bana na ho ne ba naŋ laŋ kpɛ lɔɔre wa a lammo, ane noba ho ne ba naŋ laŋ kpeɛra, bee ka ho ne ba zanna a Baabole na yoŋ. Sɔrebo na, ta wa dera boma dɔglɔ kogri ho naŋ ba pɔ biŋ zureŋ.

ZIE BA NAŊ KAARA BOMA NAŊ BƆRE Ka ho naŋ wa nyɛ bonzaa naŋ bɔre, aseŋ ka ho de gaa ne a Zie Ba Naŋ Kaara Boma Naŋ Bɔre. Ka ho bonzaa meŋ wa bɔrɛɛ, gaa ana zie na te wuli ka hõõ so a bon. Aseŋ ka ho nyɔge bibiiri naŋ bɔre yi ba dɔgreba seŋ gaa neŋ be. Kyɛ ama, lɛ ho naŋ na e a ta dɔgre noba naŋ be a lammo zie zaala lɛ na, sɔrebo na, maŋ vɛŋ ka ho biiri peɛle bo, a kyɛ kaara ba zu soŋ.

Naaloŋ Duore-Enneba Sukuu Paaneere naŋ di yuomo 23 kyɛ ba gaŋ 65 a boɔrɔ ka ba yɛleŋ ba naaŋ moɔloo toma na baŋ gaaɛ lammo na ba naŋ na e ko bana naŋ boɔrɔ ka ba gaa a Naaloŋ Duore-Enneba Sukuu Koseɛra daare ŋmenaa saŋa na. Ba na terɛɛ moɔlɔ a wuli zie ane saŋa ba naŋ na laŋ a lammo ŋa.