Mɛn ˗nu ˗wa ˗pö ꞊dhɛ balɔn ˈö ˈˈsɛgɔ ˗nu ˈwo˗ ˗zuö ˗ni ˈgü ˈˈtʋ̈ŋ yö˗ ˈgü ˈö˗ zü ˗yö dɔ Novanblö 20 ˈka ˈö˗ ˈˈdhiʋ̈ dho ta ˗kwɛ 2022 Desanblö 18 ˈka bhë, mɛn ˗nu ˈö ˈwo ꞊mɔɔn mɛn ˈˈmliya ˈˈsoodhu ˗bha ˈnën ˈwo˗ ˗ga ˗ni ˈgü. Mɛn ꞊vadhɛ ˗bhaa ˈgü trʋʋˈˈ suu ˗nu ˈwo bhë, ˗wo mɛn ˗nu ˈö ˈwo ˗an ˗ga, ˗an ˗kɔ ˗da wo ˈko ꞊kwɛɛ˗.

•   Pë ˈö Nɛsɔnö Mandela ˈö ˗kë Aflikö di Sidö ˗bha ˈˈsɛgɔdhiʋ̈mɛn zii ˈka ˈö˗ pö, yö ꞊nɛn: «Trʋʋˈˈ ˗nu ˈö˗ ˈbhaa ˗yö kë ꞊dhɛ balɔn ˈdhö bhë, ˗yö ꞊mɔɔn˗ ˗bha ˈö ˈˈkpɔnŋtaadhɛ ꞊slëë˗ ˈgü. ˗Yö ꞊faan ˗da mɛn ˈgü. Pë ˈbha ˈö mɛn ˗nu ˗gɔ ꞊ɲɔɔn ˈkwëë˗ ˗kɔ ˗tiaandhö ꞊dede ˗kë, yö ꞊mü.»

•   Pë ˈö FIFA a ˗gɔdhiʋ̈mɛn ˈwo˗ ˗dhɛ Giani Ɛnfantinö ˈö˗ pö, yö ꞊nɛn: «Balɔn ˗yö mɛn ˗nu ꞊ɲɔɔn ˈkwëë˗ ˈyö ˗tɔ ꞊dhɛ ˗ya ˗kë ˈö ˗an ˗zota ˗a ˈgü ˗pë waa ˗an ˗bha zuʋ̈gblüdhi ꞊slɔɔ˗ ˈgü ˗pë ˗nu ˗kë do. ˗Ya ˗kë ˈzü ˈö ˗an ˗dhɔ ˗yö ˗an ˈko ˗kë, ˈyö ˗tɔ ꞊dhɛ pë do ˈnën ˗an ꞊zinŋ ˈgü.»

 Balɔn ˈö ˈˈsɛgɔ ꞊va ꞊dede ˈwo˗ ˗zuö wo ˈˈkwëë ɛɛnˈˈ trʋʋˈˈ ˈˈwɛɛ ˈbha ꞊mɔɔn˗ ˗bha ˈö ˈwɔn suu ˗nu ˈwo bhë ˗an ˗kë ˗ee? ˈˈSɛgɔ ˗nu ˗dho kë wo ˈˈkwëë yi do ˈbha ˈka zuʋ̈gblüdhi waa ˗dhikodhɛ ˈgü ˗ee?

 Balɔn ˈö ˈˈsɛgɔ ˗nu ˈwo˗ ˗zuö ˗kwɛ ˈö yö ˗a ˈka bhë, ˗yö ˗ʒiö balɔn ˗zuö ˗sü ˈˈkpaan ˗ta. ˗Ya ˗kë ˈö mɛn ˗nu ˗wo zɔɔdhe ˗nu ˈwo ˗gban mɛnbhɩɩdhe ˗nu dua, mɛn kwi ˈˈɲan, ˈwëëga waa ˈˈsɛkɔɔwɔn ˗nu ˗bha, ˗an ˗da.

 ˈKö ˗kë ˈˈdhʋ̈ balɔn suu ˈö ˈˈsɛgɔ ꞊gban ˈˈpɛpɛ ˈwo˗ ˗zuö bhë, ˗a ˗ga ˗sü ˗dhɔ ˗yö mɛn ꞊va ꞊dede ˗kë. ˗Wa ˈˈpiʋ̈ ꞊dedewo kö ˗yö ˗an ˗kɔ ˗da wo ˈko ꞊kwɛɛ˗. ˈˈKɛɛ ˗an ˗kɔ ˗da wo ˈko ꞊kwɛɛ˗ ˗sü ˈö ˈˈdhʋ̈, ˈyaa ꞊gwëë. ˗A ˗dhɛ ˈö ˈya˗ ˈzü ˈyö ˈtɔ˗ trʋʋˈˈ suu ˗nu ˈwo bhë ˗zotadhe ˈwo˗ ˗da mɛn ˗nu ˗gɔ ˈgü waa ˈpë ˈwo mɛn ˗nu ˗blü ˗a kë ˗sü ˗bha ˗wo nu ˈˈdhinaan ˈka. ˗Zotakɔ waa ˈwɔn kë ˗kɔ suu ˗nu ˈwo ˈˈdhʋ̈ ˗wa ˗zɔn ꞊dhɛ kwa ˈˈtʋ̈ŋ ˈö Biblö ˗ya ˗dhɛ «ˈˈkpʋngtaadhɛ yën ˈˈtʋ̈ng» bhë, ˗a ˈgü.—2 Timote 3:1-5.

 Pë ꞊dede ˈö ˗dho ˈˈkpɔnŋtaamɛn ꞊gban ˈˈpɛpɛ ˗gɔ ꞊ɲɔɔn ˈkwëë˗, Biblö ˗ya ˗zɔn. ˗Ya ˗pö ꞊dhɛ mɛnbhɩɩdhe ˗nu ꞊gban ˗dho ˗tosɛta kë wo ˈˈkwëë mɛnkɔɔnsü do ˈö dhaŋ˗ ˈgü ˈö Biblö ˗ya ˗dhɛ «˗Zlan ˗bha ˗Gludëdhɛ» bhë, ˗a ˗kɔ ꞊löö.—Dhukö 4:43, NTBL; Matiö 6:10.

 Yesu Klito ˈö ˗Gblüdëdhɛ ˈö ˈˈdhʋ̈ ˗a ˗gɔ ˈˈdhiʋ̈ bhë, ˗yö ˗dho ˗a kë ˈö ˗dhikodhɛ ˗yö ˗kë ˈˈkpɔnŋtaadhɛ ˗todhʋ̈sü ˈgü. Biblö ˗ya ˗pö:

•   «Mɛn kpɛnŋdhö ˗nu ˗dho wo ˈˈbin ˗ya, ˈö ˗yadeflëëgüsü ˗gɛn ˗yö ˗gban.»—Psaume 72:7.

•   ‹ˈˈFlɛɛmɛn ˗nu ˈwo ˗takundhe ˗dhɛ ˗ni ˈgü ˈˈgbʋ ˈka, [...] ˗yö ˗dho ˗an dha. [...] ˗Yö ˗dho ˗an dha saanˈˈ waa ˈwɔn ˈˈdhiʋ̈˗ ˗nu ˗gɔ.›—Psaume 72:12, 14.

 Yesu ˗bha mɛn ꞊klaŋkëwo ˗nu ˗wa mɛn ˈˈmliɲɔn ꞊va ꞊dede ꞊ɲɔɔn ˈkwëë˗ ˈsaadhö ꞊dɛɛ ˈˈsɛ 239 ˈgü. ˗A mɛn ˗nu ˈwo ˈˈdhʋ̈, ˈwaa mɛn ˈˈwɛɛ ˗nu ˗san zë ˈzü. ˈBha˗ pö ˈü ˈbha ˈgüman, ˗bhö ˈwɔn ˗gɔ ˗nu « Briser le cercle de la haine » ˗wo pö.