«Ka ˗zë [˗]ka kë mɛ ˗nu ˗draan ˗Zlan ˗wʋ ˗bha ˗mɛ ꞊në˗ ˈka.» (Ebl. 5:12) Zoova ˈö ˗kë mɛn ꞊klaŋkëmɛn ˈkpii˗ ꞊dede ˈka bhë, ˗ya ˗pö ˈkwa ˈwɔn ˈö ˗gban ˗a ˗bha, ˗a blɛɛˈˈ mɛn ˈˈwɛɛ ˗nu ˗dhɛ. ꞊Bhlëë ˈkpii˗ ꞊dede ˈyaa ˗mü ˗ee? Yö ˈˈpɛpɛ ˈö ˈkwa bɔ ˗an ˗ta kö ˈkwa gagade ˈö ˗gban Zoova ˗bha ˗a ˗pö kwa ˗bha ˈkɔdhigümɛn ˗nu, ˗zlanwokɔdhigümɛn ˗nu waa mɛn ˈˈwɛɛ ˗nu ˗dhɛ bhë, ꞊bhlëë waa yö ˈkpii˗ ꞊dede ˗nu ˗mü. ˗Dhɛ ˈö ˈˈdhʋ̈, kwa ˗dho ˗a kë ˗kɔ ˗kë ꞊dhɛ kö kwa ˗kɔ ˗ya ˈkun ˗së ˈka?

˗A ˗yɔ ˗yö ˈsëëdhɛ ˈö bɔmɛn Pɔdhö ˗ya bɔ Timote ˗dhɛ bhë˗ ˈgü. ˗Ya ˗pö ˗a ˈgü ꞊dhɛ: «I ˈgü ˈya ˈdho ga ˗Zlan ˗wʋ ˈsëëdhɛ ˗wʋ ˗pö ˗a ˗bha mɛ ˗nu ˗dhɛ ˗sü ˈka. ˗Bhö ˗a ˗nu ˗zʋ ˗gban ˗a ˈka, kö ˈi˗ ˗nu ꞊klang kë˗ ˈka.» ˈÖ˗ pö ˈzü ꞊dhɛ: «ˈBha˗ kë ˈˈdhʋ̈, i ˗dho i ˗dɩ dha, ˈi dho ˈi ˈmɛ ˈwo ˈˈtʋ ˈto sië i ˗wʋ ˗bha bha˗ ˗nu dha ˈpö.» (1 Timote 4:13, 16) Nɔɔn˗ ˈö kwa ˗gɔ bhë, ˗yö mɛn ˗dha. Yö ˈnën ˈö˗ ˗wɔn ˈgü ˈö ˈkwa dua ˈdhö ˗mü kö ˈkwa kwa ˈgü dɔ ˈˈgbɩɩ˗ kö kwa ˗bha pë ˗wo pö ˗kɔ waa kwa ˗bha mɛn ˗nu ꞊klaŋ kë ˗kɔ ˗wo kë ˗së. ˈSëëdhɛ ˗be ˈnën ˈö yö, ˗wa ˗pë ˗kë kö ˗yö kwa ˗takun ˗a ˗bha. Pë ˈbha ˗nu ˈwo˗ ˈgü ˈyö ˈwo ꞊nɛn:

Zoova ˈnën ˗tɔ kwa ˗bha «꞊Klaŋgɔmɛn ˈkpii˗.» (Is. 30:20) ˈKö ˗kë ꞊dhɛ ˈsëëdhɛ ˗be ˈnën ˈö yö, ˗yö ˗dho ü ˗takun kö ˈü kë pëwopömɛn waa mɛn ꞊klaŋkëmɛn ˗së ˈka, ü ˗zo ˈya ˈdho bhɔ ꞊dhɛ nɔɔn˗ ˈö ˈkwa˗ pö ˗ni ˈgü bhë ˗yö ˗go Zoova ꞊nën˗ ˈˈpiʋ̈, ˈyö yö ˈnën ˈö mɛn ˗nu ˗gan ö ˗bha. (Zan 6:44) ˗Dhɛ ˈö ˈˈdhʋ̈, ˗bhö bhɛɛˈˈ ˗a ˗dhɛ kö ˗yö ü gba ö ˗bha ˗zuu ˈˈslʋ̈ʋ̈slʋ̈ ˈka. ˗Bhö yö kë ˗Zlan ˈˈDhiwo ˈka ꞊va. ˗Bhö ˗a kë kö mɛn ˗nu ˗wo ꞊ɲɔɔn Zoova ꞊nën˗ ˗bha. ˈBha ˈdho mɛn ˗nu ˈˈɲan bɔ ü ˗ta toŋtoŋdhö. ˗Bhö ü ˈgü dɔ ˈˈgbɩɩ˗ kö ˗a ˗dhɔ ˗yö ˗da mɛn ˗nu ˈü dhiaŋ zë ˗ni ˈgü ˗an ˗dhɛ bhë, ˗an zuʋ̈ˈˈ ˈgü.

Nɔɔnwo ꞊bhlëësü ꞊dede ˈö go ˗Zlan ˈˈpiʋ̈ bhë, ü ˗dho mɛn ˈˈwɛɛ ˗nu ꞊klaŋ kë ˗a ˈka. ˈˈKɛɛ ˗yö ga ˗sü ˈka yi ˈgü ꞊dhɛ ˈbha˗ «kë faan ˈö˗ nu [ü] ˗dhɛ bha˗ ˈka», ü ˗kɔ ˗dho ꞊mɔɔn ˗a ˗bha.—1 Piɛ. 4:11

Ü yökëyoo ˗nu,

Zoova ˗bha ꞊Gbɛkiö ˗nu ˈˈDhiʋ̈ʒiöwomɛn ˗nu