ˈWɔn ꞊vadhɛ ˈö ˈwo kë ˗ni ˈgü ꞊dɛɛ Biblö ˗yö ˗an ˗pö ˈˈdhiʋ̈ ˗be. ˗Ya ˗pö mɛnbhɩɩdhe ˗nu ˗bha ˈwëëga ˗wɔn ˗dho kë ˈˈgbɩɩ˗, ˈnën ˗nu ˈwii ˗dho wo ˈkpɔmɛn ˗nu ˗wo man. Mɛn ˗nu ˗dho kë ˈˈdhiʋ̈˗, ˈö ꞊niidadhe kë ˗sü ˗nu ˈnën ˈö˗ ˗dhɔ dho ˗an kë.

ˈˈSɛ ˗dho ꞊zii, ˈö mɛn ˗nu ˗gblü gɔn, ˈö din˗ ˗yö ˗da, ˈö ˈˈyua yaya ˗nu ˗wo sɔ. Pë ˗nu ˈö ˈwo ˈˈdhʋ̈ ˗wo kë ˗ni ˈgü ꞊dɛɛ.

Yesu ˗ya ˗pö ˈzü ꞊dhɛ ˗Zlan ˗bha ˗Gblüdëdhɛ ˗nɔɔn ˗wo ˗së ˗dho pö˗ ˈˈsɛ ꞊gban ˈˈgü. —Matiö 24:14.

˗A yi ˈyaa ꞊gblɛɛn ˈzü kö Zoova ˗yö ˈwɔnyaakëmɛn ˗nu ˈgüshiʋ̈ˈˈ.

Sɔtraan waa ˗zuu yaa ˗nu ˗an ˈgü ˗dho shiʋ̈ˈˈ ˈpö.

ˈMɛn ˈwo wo ˈˈtʋ to ˗Zlan ˗wo ˗bha wo ˈnën ˈwo ˗dho dha. ˗Wo ˗dho ˈto ꞊bhɔɔ ˈˈsɛ ˗ta wo ˈflëëgü. ˈˈSuʋ̈ ˗wɔn ꞊gban ˗dho ɲën. Mɛn ˗nu ˗dho wo zuʋ̈ˈˈ nu wo ˈko ˗dhɛ, ˈö ˗an ˗dhɔ ˗an ˈko ˗kë.