˗Zlanwo ˗pö mɛn ˗nu ˈwo to ˈkɔɔ ˈwo ˈwɔn ꞊blɛɛ ˗an ˗dhɛ ˗sü ˈka

˗MËN ˈÖ ˗KË ˈÖ˗ ˗WƆN ˈDHÖ ˈˈGBƖƖ˗?: ꞊Dɛɛ ˗dhɛ ˈö ˗kë ꞊dhɛ ꞊klaŋ ˈˈgblʋ̈gblʋ̈ këmɛn ˗nu ˗gɛn ˗ya ˈdho ˈˈdhiʋ̈ pë ˗nu baaˈˈ ˗sü ˈgü, ꞊ya ˈgo mü ˈzü ˗dhɛ ˈö ˗kë ꞊dhɛ ˈwɔn yaa kë ˗sü ˗ya ˗dadhiʋ̈ bhë, kamera ˗yö mɛn ˈbha ˗nu ˗gɔ ˈˈkpan ˈˈdhiʋ̈. ˈWɔn ˗taɔŋ ˗së ˗pö mɛn ˈbhaa ˈö ˈkwaa ˗kpan ˗a ˗bha, ˈˈkɛɛ ˈö yö ˗zë ˗a ˈˈɲan ˈdhö kwa ˗bha ˗a ˗dhɛ ˗sü ꞊mɔɔn˗ ˗bha ˈö ˗kë kwa ˗gɔ ˈˈgbɩɩ˗. ˈˈKɛɛ ˗dhioo ˗nu ˈwo yö ˗wo ꞊mɔɔn˗ ˗bha kö ˗wo kwa ˗takun kö ˈkwa ˗zlanwopö mɛn ˗nu ˈwo to ˈkɔɔ ˈwo ˈwɔn ꞊blɛɛ, ˗an ˗dhɛ.

KWA ˗DHO ˗A KË ˗KƆ ˗KË ꞊DHƐ?:

• Kwa ˗bha ˈwɔn yö ˗kɔ ˗yö kë ˗së. Mɛn ˗nu ˈö kamera ˈö ˗an ˗gɔ ˈˈkpan ˈˈdhiʋ̈, ˈˈtʋ ˗to kwa ˗bha ˗sü ˗dhɔ ˗yö ˗a ˈmɛn ꞊vadhɛ ˗kë.

• Kwa ˗zo ˈya ˈdho bhɔ ꞊dhɛ kamera ˈbha ˗nu ˗wo ˗ya mɛn ˗wo ˈsü ˗sü ˗bha kë ˈˈdhʋ̈ kö ˗a ˈkɔdëmɛn ˗yö ˗kpan ˗a ˗mɛn ˗bha ɛɛnˈˈ kö ˗yö ö ˈˈtʋ ˈto ˗a ˗wo ˗bha kö˗ ˈmɛn ˈyii ˈˈkwee ˗ta ˈman ɛɛnˈˈ ˈyii ˗da ˈkɔɔ ꞊köŋ ˗ʒianwo.

• ꞊Ya kë ꞊dhɛ ˗a ˈkɔdëmɛn ꞊yaa˗ pö ˈde mü, ˗kwa ˈwɔn blɛɛˈˈ kamera bhë˗ ˈˈdhiʋ̈ ꞊dhɛ pë ˈö ˈkwa ˈwɔn blɛɛˈˈ ˗ni ˈgü ˗a ˗mɛn ꞊dede ˗dhɛ ˗a ˈdhö. ˗Kwa ˈˈyɩɩ ˗nu ˈto. ˗Kwa ˈpa kwa ˗dea ꞊dhɛ ˗kɔ ˈö ˈkwa˗ kë˗ ˈka ꞊shiöŋ ˗a ˈdhö. Pë do ˈö ˈkwa dho ˗a pö ꞊ya kë ꞊dhɛ ˗yö ˈˈkwee ˗pʋ kwa ˗gɔ ˗be, ꞊nën ˗kwaa pö. ˈKwa ˈdho kwa wë ꞊ɲɔɔn kamera bhë˗ ˈˈsɔɔ ˈˈgbɩɩ˗. Mɛn ˈbha ˈyii ˈˈwɩ kwa ˗gɔ, ˈkwa ˈdho nɔɔn˗ ˈbha ˈto.

• ˈKwa kwa bo ˈˈdoo dɔ ˗sü ˈka, kwa ˗zo ˈya ˈdho bhɔ ꞊dhɛ ˗a ˗mɛn ꞊mɔɔn˗ ˗bha ˈö kwa ˗ga ɛɛnˈˈ ˈö ö ˈˈtʋ to kwa ˗bha ˗kpɛɛwo kamera bhë˗ ˈˈdhiʋ̈.