KWA ˗BHA ˗KË KLETIƐN ˈKA ˗SÜ
Zuʋ̈gblüdhi ꞊slɔɔ ˗toëpö ˈka! ˈˈpian ˈbhaa ˗nu ˈwo kwa ˗takun
Video waa dhɛɛˈˈ ˗nu ˈwo Zuʋ̈gblüdhi ꞊slɔɔ ˗toëpö ˈka! ˈgü, ˗an ˈˈdhia ˗yö kwa ˈgü ˗ee? ˗A ˈˈpian ˈwo ˗kë ꞊dhɛ «Mɛn ˈbhaa ˗nu ˗wa ˗pö,» «Pë ˈü ˗dho ˗a kë˗» waa «˗An ˗ga ˈpö» ˗an ˈdhö bhë, ˈkwa ˗an yö ˗kɔ ˗kë ꞊dhɛ? ˈKwa Biblö draanˈˈ ˗ni ˈgü mɛn ˗nu ˈˈpiʋ̈ ˗a ˈgü, ˗a ˈˈpian ˈˈwɛɛ ˈbha ˗mɛɛn ˗nu ˈkwa˗ yö ꞊dhɛ ˗wo ꞊mɔɔn˗ ˗bha ˈwo kwa ˗takun ˈzü?—Mt 28:19, 20.
Media: ꞊Ya kë ꞊dhɛ mɛn ˗nu ꞊klaŋ ˗kë ˗a ˗be ꞊dede ˈgü ˗sü ˗dhɔ ˗yö kwa ˗kë, kwa ˗dho ˗a kë ꞊dhɛ kö ˈkwa ˗kpan ˈˈvaandhö video, ˈˈtʋtobhapë waa ˈsëëdhɛ ˈˈwɛɛ ˗nu ˈwo˗ ˈgü ˗an ˗bha ˗dhɛ do ˈgü? ˗Kwa ˈdho ˗a ˗be ˈdhɛ ˈö parɛɛ ˗nu ˈgü bhë, ˗a ˈgü. ˗Kwa kwa ˗kɔ ˈˈyɛ ˗a ˗kɔ ˈˈpian ˗yiishiö ˗nu ˈwo˗ ˈgü bhë, ˗a do ˗bha. ˈKwa˗ kë ˈˈdhʋ̈ kwa ꞊mɔɔn˗ ˗bha ˈkwa kwa ˗kɔ ˗yɛ media ˈˈpɛpɛ ˈwo ˗gban ˗a ˗kɔ ˈˈpian ˗dhɛ ˈö bhë ˗a ˗bha, ˗a ˗bha ˈwɔn ˗gɔ ˗nu ˈwo dho yö ˈˈkpɛnŋ bhë, ˗an ˗gɔ ˈˈshia˗. (Kpɔɔˈˈ pë ˈˈbin 1 ˗bha.)
« Mode Image »: ꞊Ya kë ꞊dhɛ kwa Biblö draanˈˈ ˗ni ˈgü mɛn ˈbha ˈˈpiʋ̈ kwa ˗bha telefɔnö ɛɛnˈˈ tablɛtö ˈka, yö ˗kë ˗a « Mode Image » ˈka ˗sü ꞊mɔɔn˗ ˗bha ˈö kwa ˗takun. ˈKwa kë ˗a ˈwɔn ˗gɔ do ˈgü, ˗kwa kwa ˗kɔ ꞊nënŋ pë kpö ɛɛnˈˈ butɔnŋ ˗yaaga ˈö ˈwo˗ ˈˈpian ˗ta ˈˈdhuŋ˗ kwa ˗kɔ ˗së ˈgü bhë ˗a ˗ta kö ˈkwa kwa ˗kɔ ꞊nënŋ ˈzü « Mode Image » ˗ta. ˈKwa˗ kë ˈˈdhʋ̈ ˈsëëdhɛ do ˗dho yö ˈˈkpɛnŋ. ˗Ya ˗kë ˈö ˗kɔ ˈö ˈwɔn gaga ˗nu ˈkwa ˗an ˈˈdoo dɔ ˗ni ˈgü ˈwo ˗gban ˗a ˈka ˗a ˈwɔn ˗gɔ ꞊dede ˗bha, ˈö to kwa ˈˈɲaan. ˈKwa˗ ˈˈpiʋ̈ ˈkwa kwa ˗yee kë, ˗kwa kwa ˗kɔ ꞊nënŋ ˈzü butɔnŋ ˗yaaga ˗nu bhë ˗an ˗ta kö ˈkwa kwa ˗kɔ ˈˈyɛ «Mode Texte» ˗bha.
«ˈMan ˗mɔn ˗ee?»: ˈKɔnën ˗nu ˈwo ˈsëëdhɛ ˗be ˈö bhë ˗a ˈˈdhiʋ̈todhɛ ˈgü bhë, ˗wo pë ˗nu ˈö ꞊klaŋnën ˗nu dua ˈdhö ˗mü kö ˗wa kë kö ˗wo ꞊mɔɔn ˗zlanwopösü waa ˗bɔyibhaasü ˗bha ˗an ˗zɔn. (Kpɔɔˈˈ pë ˈˈbin 2 ˗naan ˗bha.)
˗Zoto ˗a ˈˈpiʋ̈ ˗wɔn ˗nu: ˗A ˈˈpian ˗dhɛ ˈö bhë, ˗yö ˈwɔn ˗gɔ ˈbha ˗nu ˈö ˗an ˗wɔn ˈdhö ˈˈgbɩɩ˗ ˗an ˈgü ˗pʋ. ˗Zoto ˗a ˈˈpiʋ̈ ˗wɔn ˗nu ˈwo ˈsëëdhɛ ˗be ˗dhɛ ˈö parɛɛ ˗nu ˈgü ˗an ˈgü bhë, ˗an ˈˈdhiʋ̈todhɛ ˈgü pë ˈˈbudhaŋsü ˈbha ˗yö mü. ˈKwa kwa ˗kɔ ꞊nënŋ ˗a ˗ta ˗yö ˗dho kwa ˈka ˗dhɛ ˈö ˈkwa to ˗a ˗bha ˈwɔn ˗gɔ ꞊dede ˈö bhë ˗a ˈgü, ˗a ˈgü. (Kpɔɔˈˈ pë ˈˈbin 2 ˗naan ˗bha.)
˗Kwa kwa ˈgü dɔ ˈˈgbɩɩ˗ kö ˈsëëdhɛ ˗be Zuʋ̈gblüdhi ꞊slɔɔ ˗toëpö ˈka! ˈkwa˗ ꞊gban draanˈˈ kwa ˗bha Biblö ꞊klaŋ ˗nu ˈö ˗an ˗gɛn ˈö ˈdho ˗ni ˈgü ˈˈdhiʋ̈ ˗an ˈˈpiʋ̈ ˈkö ꞊dee ˗wa bɔ ˈˈyi ꞊bhaa. Kwa ˗bha Biblö ꞊klaŋnën ˗ya bɔ ˈˈyi ꞊bhaa, ˈˈtʋ̈ŋ ˈö ˈkwa ˗dho ˗a ˈsü kö ˈkwa ˗wo ˗a ˗dhɛ ɛɛnˈˈ kö ˈkwa˗ ꞊klaŋ kë ˗a ˈka bhë, kwa ꞊mɔɔn˗ ˗bha ˈkwa˗ ꞊dhʋŋ. ˗Zlanwopömɛn ˈbha ˗ya kë kwa ꞊keŋ˗ ˗ya kwa ˗takun, ˗yö ꞊mɔɔn˗ ˗bha ˈö ˈˈtʋ̈ŋ bhë ˗a ꞊dhʋŋ ˈpö.
