• Pr 11:17—꞊Trɔɔn ˗mɛɛn ˈkwa˗ ꞊slɔɔ ˈˈgblüsë kë ˗sü ˈgü? (g20.1˗F 11, ˈkɔnën)

  Ü ˗bha ˗yɔ

• Pë ˗sɛŋbɔ ˗nu ˗mɛɛn ˈwo go Biblö ˗wopösü ˈö ˈˈdhoogɔ yö˗ ˈgü, ˗a ˈgü ˈö ˈü˗ ˈˈpiʋ̈ kö ˈü ˗wɔn blɛɛˈˈ?

  Ü ˗bha ˗yɔ

ˈDhɛ ˈö ˗kë ꞊dhɛ ˈwɔn yaa kë ˗dhii ˗yö kwa kwi ˈgü bhë, ˈwɔn ˗nu ˗dho zë kwa gɔ kwa ˈˈdhiwo ˗nu ˈgü. (Zk 3:8) ˈˈKɛɛ ˈkö kë ˈˈdhö, ˗a ˈwɔn dɔ ˗sü ˈö ꞊dhɛ kwa ˈˈdhiwo ꞊mɔɔn˗ ˗bha ˈö pë ˈˈdhiʋ̈ kë mɛn ˗nu ˈka bhë, ˗yö ˗dho kwa ˗takun kö ˈkwa ˈdho pë ˈbha ˈö dho kwa zuʋ̈ˈˈ to ˗taabha ˗a pö. ˗Wo ˗nu ˈwo ꞊mɔɔn˗ ˗bha ˗wo kwa ˗bha ˗yadeflëëgüsü shiʋ̈ˈˈ bhë, ˗a ˈbha ˗nu ˗ga ˈwo yö:

• ˗De ˗wɔn ˗së blɛɛsü ˈö ˈˈdhi ꞊va ˈgü. ˗A ˗mɛn ˗yö ö ˗de ˗wɔn ˗së ˗blɛɛ, ˗ya ˗kë ˈö mɛn ˈˈwɛɛ ˗nu ˗wo wo ˗de dan ˗a ˈka, ˈö˗ ˗kë ˈzü ˈö zuʋ̈ˈˈ ˗bhɔ mɛn ˗bha pë ˗bha ˗sü ˗yö ˗da ˗an ˈgü.—Pr 27:2

• ˈˈDhiwo ꞊flüüsü ˗nu. ˈˈDhiwo ˗nu ˈwo ˈˈdhʋ̈, ˗an ˈˈdhiʋ̈ ˈyaa ˈto ˗suawɔn ˗nu ˗ya mɛn ˗bha ˗sü kö ˗wo ˈlëë˗ dɔ ˗a ˗mɛn ˗bha dosɛnŋ ˗a ˗ta. ˈˈKɛɛ ˈwɔn ˈwo˗ ˗yökodhiʋ̈ ˗kë wo zuʋ̈ˈˈ ˈˈpiʋ̈ kö ˈwo ˈˈkpënŋ kë mɛn gɔ ˈnën˗ ˈka.

• Mɛn ˗tɔɔkësü. Dhiaŋ˗ ˗wo ˈˈfüöö ˈö ˈyaa gagade ˈka ˈwo˗ ˗kë mɛn ˗bha ɛɛnˈˈ ˈzü ˈö ˈwo ˈwɔn ˈwo ˗bin ˗sü ˈka ˗an pö ˗a ˈgü. (1Ti 5:13) ˈˈDhiwo ˗nu ˈwo ˈˈdhʋ̈, ˗wo ꞊mɔɔn˗ ˗bha ˈwo nu ˈˈdhinaan ɛɛnˈˈ ˗kankwëëdhe ˈka.

• Dhiaŋ ˈwo˗ zë ˗naandhe ˈgü. ˗Yö dhiaŋ˗ ˈbha ˈö ˈwaa wo ˗zota ˗a ˈgü ˈwo˗ pö mɛn ˈbha ˈö kwa ˗shiödhɛwɔn ˗nu ˗kë ˗a ˗dhɛ. (Ef 4:26) ˗Yö ꞊mɔɔn˗ ˗bha ˈö pë ˈˈdhiʋ̈ ˗kë mɛn ˗nu ˈka.—Pr 29:22.

VIDEO «˗Kwa ˈˈkan pë ˗nu ˈwo ꞊mɔɔn˗ ˗bha ˗wo kwa ˗bha ˗dhikodhɛ shiʋ̈ˈˈ ˗an ˗bha ˈˈwɩ. ꞊Ya ɲën dhɛɛˈˈ ˈö yö ˗a ˈkpɔ:

• ˗Kɔ ˈö kwa ˈˈdhiwo ˗nu ˈwo ꞊mɔɔn˗ ˗bha ˈwo kwa ˗bha ˗dhikodhɛ ˈˈshiʋ̈ ˗a ˈka ˗zlanwokɔdhigü bhë, ˗gleŋ ˗mɛɛn ˈö˗ ˗da kwa ˗bha?

  Ü ˗bha ˗yɔ

˗Kɔ ˈö ˗dhikodhɛ ˗yö nu ˗a ˈka ö ꞊wɛɛ ˈgü bhë ˗kwaa ˗ga video ˈö˗ ˗gɔ ˗kë ‹˗Kwa ˗dhikodhɛ mɛɛnˈˈ ˗kplawo› ˈka bhë ˗a ˈgü.