Сакӑр ҫын кӑна пӗтӗм ҫӗре шыв илнине пурӑнса ирттернӗ, анчах вӑхӑт иртнӗҫемӗн вӗсен шучӗ нумай пин таран ӳссе кайнӑ. Пӗтӗм тӗнчене шыв илнӗ хыҫҫӑн 352 ҫул иртсен Авраа́м ҫуралнӑ. Турӑ Авраама́ Исаа́к ятлӑ ывӑл парса хӑй сӑмах панине мӗнле пурнӑҫлани ҫинчен эпир пӗлӗпӗр. Тата кайран Турӑ Исаа́кӑн икӗ ывӑлӗнчен Иакова́ мӗнле суйласа илнине пӗлӗпӗр.

Иа́ковӑн пысӑк ҫемье пулнӑ: 12 ывӑл тата темиҫе хӗр. Иа́ковӑн вунӑ ывӑлӗ хайсен шӑллӗне Иосифа́ курайми пулса ҫитнӗ те ӑна Египета́ чуралӑха сутса янӑ. Каярахпа Ио́сиф Египетра́ паллӑ пуҫлӑх пулса тӑнӑ. Хаяр выҫлӑх ҫитсен, Ио́сиф хӑйӗн пиччӗшӗсен чӗри улшӑннипе улшӑнманнине пӗлес тесе вӗсене тӗрӗсленӗ. Юлашкинчен Иа́ковӑн пӗтӗм ҫемйи — вӗсене тата Изра́иль ҫыннисем тесе чӗннӗ — Египета́ куҫса кайнӑ. Ҫакӑ Авраа́м ҫуралнӑ хыҫҫӑн 290 ҫултан пулса иртнӗ.

Ҫакӑн хыҫҫӑн 215 ҫул хушши Изра́иль ҫыннисем Египетра́ пурӑннӑ. Ио́сиф вилнӗ хыҫҫӑн вӗсем унта чурасем пулса тӑнӑ. Вӑхӑт иртнӗҫемӗн Моисе́й ҫуралнӑ, вара Турӑ унпа усӑ курса Изра́иль халӑхне Египетра́н ирӗке кӑларнӑ. Пӗтӗмӗшле илсен, ИККӖМӖШ пайне 857 ҫул хушшинче мӗн пулса иртни кӗрет.