Pʌybilet
I Cʼajtesʌntel i chʌmel Jesús
Sábado 12 de abril, 2025
Mic poj pʌyet lojon ti chaʼpʼejl tempa bʌ mach bʌ tojbilic
Discurso especial
«¿Muʼ ba i mejlel lac taj jiñi i sujmlel?»
Ti ili discurso mi caj a cʌn tsaʼ bʌ i yʌlʌ Jesús chaʼan jiñi i sujmlel yicʼot baqui miʼ mejlel lac taj.
I Cʼajtesʌntel i chʌmel Jesús
Ti jujumpʼejl jab, jiñi i testigojob Jehová miʼ tempañob i bʌ chaʼan miʼ cʼajtesañob i chʌmel Jesús cheʼʌch bajcheʼ tsiʼ yʌlʌ (Lucas 22:19).
Cʼajtiya tac muʼ bʌ i ñumen mejlel
¿Majqui miʼ mejlelob ti tilel?
Majqui jach miʼ mejlel ti tilel. Maʼ mejlel ti tilel a wicʼot a familia.
¿Bajcheʼ cʼamel miʼ jalʼan?
Jiñi discurso especial miʼ jalʼan 30 minuto. Cheʼ jiñi, miʼ qʼuejlel jumpʼejl tema yicʼot jiñi yaʼ bʌ tempʌbilob i miʼ jalʼan jumpʼejl hora.
Jiñi i Cʼajtesʌntel i chʌmel Jesús miʼ jalʼan lʌcʼʌ cheʼ bʌ jumpʼejl hora.
¿Baqui mi caj i mejlel?
Chaʼan maʼ ñaʼtan baqui, petsʼej yaʼ baqui miʼ yʌl «Baqui maʼ mejlel ti majlel».
¿Tojbil ba chaʼan mi la cochel?
Maʼañic.
¿Muʼ ba i cʼajtintel taqʼuin?
Maʼañic, tiʼ tempa bʌ jiñi i testigojob Jehová maʼañic miʼ cʼajtintel taqʼuin (Mateo 10:8).
¿Bajcheʼ yilal yom lac pislel?
Jiñʌch bajcheʼ wen maʼ qʼuel, pero jiñi i testigojonbʌlon Jehová mi lon c chaʼlen wersa chaʼan mi lon c lʌp wem bʌ lon c pislel come mi lon j qʼuel ti ñuc muʼ bʌ i mejlel ti jimbʌ qʼuin.
¿Chuqui miʼ mejlel ti jiñi i Cʼajtesʌntel i chʌmel Jesús?
Cheʼ bʌ miʼ tejchel jiñi tempa bʌ, miʼ yujtel cʼay i juntiquil Testigo miʼ mel oración. Cheʼ jiñi, miʼ ñusʌntel jumpʼejl discurso muʼ bʌ i subeñonla chucoch ñucʌch i cʼʌjñibal cheʼ tsaʼ chʌmi Jesús yicʼot bajcheʼ miʼ coltañonla jiñi am bʌ i mele Dios yicʼot Cristo ti lac tojlel. Tiʼ yujtibal, miʼ chaʼ ujtel cʼay yicʼot oración.
Mi a womto a ñumen cʌn, pejcan jiñi tema «¿Chucoch jiñi i testigojob Jehová mach cheʼic miʼ cʼajtesañob i chʌmel Jesús cheʼ bajcheʼ yan tac bʌ ñopbalʌl?».
¿Jala mi caj i mejlel jiñi yan tac bʌ i Cʼajtesʌntel i chʌmel Jesús?
2025: sábado 12 de abril.
2026: jueves 2 de abril.
2027: lunes 22 de marzo.
Chaʼan maʼ ñumen cʌn, qʼuele ili video tac:
Laʼ laj cʼajtesan i chʌmel Jesús
Qʼuele ili video muʼ bʌ i taj ti tʼan i Cʼajtesʌntel i chʌmel Jesús i qʼuele chuqui miʼ mejlel lac taj cheʼ tsiʼ yʌcʼʌ i cuxtʌlel.
Tajol an a wubi chaʼan Jesús tsaʼ chʌmi chaʼan miʼ toj lac mul. ¿Pero mejl ba i coltan yonlel lac piʼʌlob cheʼ tsaʼ chʌmi juntiquil wiñic?
¿Chuqui miʼ mejlel yaʼ ti i Yotlel Tempa bʌ?
Qʼuele bajcheʼ yilal jiñi i yotlel lon c tempa bʌ yicʼot chuqui miʼ mejlel yaʼi.
Miʼ mejlel a chaʼlen ti descargar o a chaʼlen ti imprimir ili invitación.