1 Timoteo 2:1-15
2 Jin chaʼan, jiñi muʼ bʌ c ñaxan subeñetla jiñʌch chaʼan mi laʼ chaʼlen oración tiʼ tojlel pejtelel lac piʼʌlob cheʼ bʌ mi laʼ cʼajtiben i coltaya Dios ti wocol tʼan yicʼot cheʼ mi laʼ wʌqʼuen wocolix i yʌlʌ,
2 melela jaʼel tiʼ tojlel jiñi reyob yicʼot tiʼ tojlel jiñi ñucoʼ bʌ i yeʼtel chaʼan mi lac bej mejlel ti chumtʌl ti lac ñʌchʼtʌlel yicʼot maʼañic chuqui mi laj cʼojoʼtan* i xucʼul mi la cajñel ti Dios i maʼañic mi lac chʼʌm ti alas.
3 Ili weñʌch yicʼot utsʼat miʼ qʼuel jiñi la caj Coltaya, Dios,
4 come yom chaʼan pejtelel lac piʼʌlob miʼ tajob i coltʌntel i miʼ cʌñob ti tsʼʌcʌl jiñi i sujmlel.
5 Come juntiquil jach Dios yicʼot juntiquil jach muʼ bʌ ti coltaya ti jiñi trato tsaʼ bʌ i mele Dios yicʼot jiñi wiñicob: Juntiquil wiñic, Cristo Jesús,
6 tsaʼ bʌ i yʌcʼʌ i bʌ i tsiʼ tojo cheʼ bajcheʼ yom chaʼan miʼ locʼsan ti mulil jiñi lac piʼʌlob. Pero iliyi mi caj i yʌjqʼuel ti cʌñol cheʼ tiʼ yorajlel.
7 Chaʼan mi cʌcʼ ti cʌñol iliyi tsaʼ waʼchocontiyon ti xsubtʼan yicʼot ti apóstol, ti xcʌntesa ti jiñi tejclum tac chaʼan miʼ tajob i ñopoñel yicʼot miʼ cʌñob i sujmlel, i sujmʌch chuqui woli cʌl, maʼañic woliyon ti lot.
8 Jin chaʼan, com chaʼan ti baqui jach añob jiñi wiñicob miʼ chʌn melob oración cheʼ miʼ letsañob jiñi sʌc bʌ i cʼʌbob,* mach yicʼotic michʼajel mi yicʼoticto leto.*
9 Cheʼ jaʼel, jiñi xʼixicob yom miʼ lʌpob wem bʌ i pislel, pʼisbil jach yom miʼ chʼʌlob i bʌ i yom miʼ pʌsob i ñaʼtʌbal, mach yicʼotic jalbiloʼ bʌ i jol, oro, perla o wen lets bʌ i tojolob i pislel,
10 yom bʌ añob i chaʼan jiñʌch jiñi wem bʌ i melbalob, cheʼ bajcheʼ yom tiʼ tojlel jiñi xʼixicob muʼ bʌ i yʌlob chaʼan miʼ chʼujutesañob Dios.
11 Jiñi xʼixicob yom ñʌchʼʌlob cheʼ bʌ woli cʌntesa, laʼ i melob yicʼotob i pecʼlel.
12 Maʼañic mi cʌcʼ ti cʌntesa jiñi xʼixic mi chaʼañic miʼ chʼʌm i yeʼtel tiʼ tojlel wiñic, yom jach ñʌchʼʌl.
13 Come Adán jiñʌch tsaʼ bʌ ñaxan mejli, i wiʼilix jiñi Eva.
14 Cheʼ jaʼel, Adán maʼañic tsaʼ lotinti, jiñi xʼixic jiñʌch tsaʼ bʌ junyajl lotinti i tsaʼ sujti ti xmulil.
15 Pero jiñi xʼixic mi caj i coltʌntel cheʼ miʼ taj i yalobilob, cojach mi tsaʼ chʌn ajñi ti jiñi i ñopoñel, ti cʼuxbiya i ti jiñi sʌclel yicʼot wem bʌ i ñaʼtʌbal.
Nota tac
^ O «lac pensalin».
^ O «jiñi wiñicob miʼ chʌn melob oración cheʼ xucʼulob ti Dios».
^ O «quera».
