Lasazes ki dan Labib i ed nou pour viv en bon lavi. Si ou lir Labib e medite regilyerman, e si ou aplik sa ki ou aprann, “ou ava reisi.” (Zozye 1:8; Psonm 1:1-3) Ou pou osi aprann konn Bondye ek son Garson Zezi e sa konnesans i kapab sov ou lavi.​—Zan 17:3.

Dan ki lord ou kapab lir bann liv dan Labib? Ou annan diferan opsyon. Sa progranm lektir Labib i kapab ed ou pour lir bann liv Labib dan lord oubyen dapre topik. Par egzanp, ou kapab swazir pour lir serten liv pour ganny en nide lo relasyon ki Bondye ti annan avek bann Izraelit dan lepase. Ou kapab osi lir lezot liv pour aprann ki mannyer kongregasyon Kretyen ti konmanse e agrandi dan premye syek. Si ou lir enn sa group sapit ki dan sa progranm sak zour, ou pou kapab lir Labib antye dan enn an.

Eski ou fek konmans lir Labib e ou pe rod en progranm pour ed ou? Eski ou pe rod en progranm pour ed ou lir Labib toulezour, ouswa pour ed ou lir Labib dan enn an? Si wi, sa progranm i kapab ed ou. Download sa Progranm lektir Labib pour enprimen e konmanse ozordi menm.