Labib i reponn

Eski bann lanz i kapab ed nou?

Bokou letan avan i ti kree imen, Zeova ti kree plizyer milyon lanz. (Zob 38:4, 7) Sa bann lanz i pwisan e zot servi Bondye. Zeova i anvoy zot pour gid e protez son bann serviter lo later. (Psonm 91:10, 11) Ozordi, bann lanz pe ed dimoun pour benefisye avek sa bon nouvel ki bann disip Zezi pe prese.​—Lir Revelasyon 14:6, 7.

Eski nou devret priy avek bann lanz pour ganny led? Non. Lapriyer i en form ladorasyon ki nou devret donn zis Bondye. (Revelasyon 19:10) Vi ki bann lanz i bann serviter Bondye, zot swiv son lenstriksyon olye lenstriksyon bann dimoun. Alors, nou devret touzour adres nou lapriyer avek zis Bondye tousel atraver Zezi.​—Lir Psonm 103:20, 21; Matye 26:53.

Eski i annan bann move lanz?

Bann lanz in ganny kree avek sa liberte pour swazir sa ki byen ek sa ki mal zis parey bann imen. Malerezman, bokou lanz ti rebel kont Bondye. (2 Pyer 2:4) Premye parmi zot ti Satan, apre lezot ti swiv e zot ti vin bann demon. Satan ek son bann demon in ganny tire dan lesyel e zete lo later.​—Lir Revelasyon 12:7-9.

Sa gran logmantasyon dan vyolans ek bann keksoz mal ki’n arive depi 1914 i montre ki Bondye pou byento met en lafen avek Satan ek son bann demon. Apre sa Bondye pou fer later revin parey i ti sipoze ete.​—Lir Revelasyon 12:12; 21:3, 4.

Pour plis lenformasyon vwar sapit 10 dan sa liv Ki Labib i vreman dir? pibliye par Temwen Zeova

I osi disponib lo www.jw.org

[Portre lo paz 16]

Zis parey zot ti ed Danyel en serviter fidel Bondye dan lepase, ozordi bann lanz i ed dimoun pour benefisye avek sa bon nouvel