Labib I Reponn

Ki mannyer lanmor Zezi i benefisye nou?

Ler Bondye ti kre bann imen, i ti oule ki zot viv pour touzour lo later san ki zot soufer avek maladi ouswa lanmor. Me sa premye zonm, Adan, ti dezobei sa Kreater e perdi sa posibilite pour viv pour touzour. Konman bann desandans Adan nou’n erit lanmor avek li. (Romen 5:8, 12; 6:23) Sa vre Bondye, Zeova, ti anvoy son garson Zezi lo later pour mor e reganny sa ki Adan ti’n perdi.​—Lir Zan 3:16.

Lanmor Zezi i fer li posib pour nou ganny pardonnen nou pese e ganny lavi eternel. Labib i donn nou en avangou ki mannyer lavi lo later pou ete ler nou pou nepli soufer avek lavyeyes, maladi ek lanmor.​—Lir Izai 25:8; 33:24; Revelasyon 21:4, 5.

Ki mannyer nou devret rapel lanmor Zezi?

Sa zour swar avan i ti mor, Zezi ti demann son bann disip pour rapel son lanmor atraver en senp seremoni. Ler nou komemor lanmor Zezi koumsa sak lannen i donn nou sans pour reflesir lo ki kantite lanmour Zezi ek Zeova i annan pour limanite.​—Lir Lik 22:19, 20; 1 Zan 4:9, 10.

Sa lannen, Memoryal lanmor Zezi i tonm Lendi le 14 Avril apre soley kouse. Ou ganny envite pour asiste sa seremoni ansanm avek bann Temwen Zeova dan ou rezyon.​—Lir Romen 1:11, 12.

Pour plis lenformasyon, vwar sapit 4 ek 5 dan sa liv pibliye par Temwen Zeova

Ou kapab download li lo www.jw.org

[Portre lo paz 16]

Zezi ti mor pour ki lavi eternel i kapab posib pour limanite. Ki mannyer ou ti pou mazin lavi eternel lo later?