Eski ou ti konnen?
Eski ou ti konnen?
Eski tanp Zerizalenm ti ganny rekonstri apre lannen 70 N.L.?
ZEZI ti predir ki i pa ti pou reste en sel ros lo en lot kot tanp Zeova. Sa profesi ti ganny akonplir kan larme Romen anba komann Titis ti detrir Zerizalenm an 70 N.L. (Mat. 24:2) Plitar, Lanperer Julian ti fer plan pour rekonstri tanp.
Julian, neve Constantine, in ganny apele sa dernyen lanperer Ronm ki ti en payen. I ti’n ganny edike par bann swadizan Kretyen dan son letan. Me letan i ti vin lanperer an 361 N.L., i ti rezet sa lansennyman e montre ki larelizyon Kretyen dan son letan ti koronpi. Bann liv listwar i refer avek li konman “sa Aposta.”
Julian ti ay tou bann ki ti dir zot Kretyen. I posib ki enn bann rezon i akoz a laz si-z-an, i ti vwar bann reprezantan larelizyon Kretyen touy son papa ek lezot son fanmir. Dapre bann istoryen larelizyon, Julian ti ankouraz bann Zwif pour rekonstri zot tanp an krwayan ki sa ti pou prouve ki Zezi ti en fo profet. *
Napa okenn dout ki Julian ti anvi rekonstri tanp. Par kont, bann istoryen pa asire si i ti konmans sa proze oubyen non, e kwa ki ti fer li aret sa proze. Me sa ki nou konnen se ki Julian ti ganny touye de-z-an apre ki i ti vin o pouvwar, e son proze ti ganny antere ansanm avek li.
[Not anba lo paz]
^ par. 5 Zezi pa ti dir ki tanp pa ti pou zanmen ganny rekonstri, me ki i ti pou ganny detrir, e sa ti ariv lannen 70 N.L.
[Portre lo paz 32]
Landrwa kot tanp ti ete ek lafason ki petet i ti ete dan letan Zezi
[Tablo]
Dome of the Rock i aprezan dan plas tanp
[Sorti kot]
Portre: Todd Bolen/BiblePlaces.com
