Sak zour, bokou dimoun pe lalit pour ganny bann keksoz ki zot vreman bezwen. Malerezman, bann problenm dan sa lemonn i kapab fer li vreman difisil. Akoz?

• Ler i annan boulvers dan en landrwa, bann keksoz parey manze ek lakaz i vin pli ser.

• Bann sityasyon vreman difisil i kapab fer dimoun perdi zot lanplwa oubyen fors zot pour travay pour pli pti gin larzan.

• Bann dezas i kapab andomaz oubyen detri biznes bann dimoun, zot lakaz oubyen lezot keksoz ki zot annan. Sa i fer ki bokou dimoun i vin pov.

• Pli ou kapab kontrol ou larzan, pli ou pou kapab fer fas ler i annan bann sityasyon vreman difisil.

• Mazinen ki ou saler, larzan ki ou anmase ek keksoz ki ou annan i kapab perdi valer.

• I annan keksoz ki larzan pa kapab aste parey lazwa ek linite dan fanmir.

Labib i dir: “Si nou annan manze ek lenz, nou pou kontant nou avek sa bann keksoz.”​—1 Timote 6:8.

Kontant nou avek sa ki nou annan i enkli redwir sa ki nou anvi e satisfe ler nou ganny sa ki nou bezwen. Sa i vreman enportan sirtou ler nou napa bokou larzan.

Pour kontant ou avek sa ki ou annan, petet ou pou bezwen senplifye ou lavi. Si ou toultan pe esey aste keksoz ki ou napa ase larzan pour aste, ou pou annan plis problenm.