LO KOUVERTIR | KI MANNYER LABIB IN SIRVIV ZISKA NOU LETAN?
Akoz Labib in sirviv
Labib in sirviv. I pour sa rezon ki ozordi ou kapab ganny en kopi Labib ki ou kapab lir. Ler ou swazir en bon tradiksyon Labib, ou kapab asire ki sa ki ou pe lir i parey sa ki ti dan sa kopi orizinal. a Me akoz Labib in sirviv malgre letan, lopozisyon ek zefor pour sanz son mesaz? Menm si tousala in arive, Labib in sirviv dan en fason ekstraordiner. Kwa ki sitan spesyal avek sa liv?
“Aprezan mon asire ki sa Labib ki mon annan i en kado sorti kot Bondye”
Bokou etidyan Labib in ariv lo menm konklizyon ki zapot Pol ki ti ekri: “Tou Lekritir i enspire par Bondye.” (2 Timote 3:16) Zot krwar ki Labib in sirviv akoz i Parol Bondye e ki Bondye in prezerv son Parol ziska ozordi. Faizal, ki ganny mansyonnen dan sa premye lartik dan sa magazin ti deside pour egzamin Labib pour li menm. Sa ki i ti dekouver ti sirprann li. I ti aprann ki sa bann lansennyman ki bann sef relizye i ansennyen pa sorti dan Labib. Deplis, i ti enpresyonnen pour vwar ki Bondye i revel son plan pour later dan Son Parol.
I dir, “Aprezan mon asire ki sa Labib ki mon annan i en kado sorti kot Bondye. Apre tou, si Bondye in kapab fer liniver, eski pa i annan sa pouvwar pour donn nou en liv e prezerv li pour nou? Pour dir lekontrer ti pou konmsi mon pe limit pouvwar ki Bondye Tou Pwisan i annan. Ki mwan mon ete pour limit pouvwar Bondye?”—Izai 40:8.
a Vwar sa lartik “How can you choose a Good Bible Translation?” dan Latour Veyer le 1 Me 2008 an Angle.
Ou pou kapab kontan sa osi
LATOUR VEYER
Akoz nou bezwen konpran Labib?
Bokou dimoun i annan respe pour sa liv sakre san realize ki i kapab benefisye zot.
ESSENTIAL BIBLE TEACHINGS
Ki mannyer nou kapab asire ki Labib i vre?
Si loter Labib i Bondye, i pa devret parey lezot liv ki’n deza ganny ekri.
DOCUMENTARIES
