Par kont, bokou dimoun pa asire si zot pou ganny sa lavenir ki zot ti ava kontan. Bann levennman san ekspekte parey COVID-19 in afekte lavi bokou dimoun, i’n kit bokou dan lapovrete e i’n menm touy plizyer lezot. Pour sa rezon, bokou pa asire si zot pou annan en bon lavenir.

Vi ki dimoun pa asire ki mannyer zot lavenir pou ete, zot pe fer zot mye pour rod en keksoz ki pou ed zot annan en meyer lavenir. Serten i krwar ki i annan en lafors envizib ki pe kontrol zot desten. Bokou i krwar ki ledikasyon ek larises pou garanti zot sa lavenir ki zot anvi. Lezot i santi ki si ou en bon dimoun, sa i ase pour annan en bon lavi.

Eski i annan parmi sa bann keksoz ki pou donn ou sa lavenir ki ou anvi? Pour konn larepons, ou bezwen reponn sa bann kestyon:

• Kwa ki vreman determin ou lavenir?

• Eski ledikasyon ek larzan i kapab garanti en bon lavi?

• Eski si ou en bon dimoun, sa i garanti ki ou pou annan en meyer lavenir?

• Kote ou kapab trouv bann bon konsey ki pou ed ou annan en meyer lavenir?

Sa Latour Veyer pou ed ou trouv larepons pour sa bann kestyon.