1-3. (a) Ki bann sanzman ki kapab difisil pour fer apre nou batenm? (b) Ki kestyon nou kapab demande konsernan bann sanzman ki difisil pour fer? (Vwar bann portre anler.)

 POUR bokou lannen, Kevin ti zwe larzan, fimen, bwar en kantite e i ti servi drog. ^[1] (Vwar lezot not.) Ler i ti aprann lo Zeova, i ti anvi vin son zanmi. Me pour fer sa, i ti bezwen fer bann gran sanzman dan son lavi. I ti kapab fer sa bann sanzman avek led Zeova e avek pouvwar Son Parol, Labib.​—Ebre 4:12.

² Apre ki Kevin ti’n batize, i ti annan ankor bann sanzman konsernan son personnalite pour li fer pour ki i vin en pli bon Kretyen. (Efezyen 4:31, 32) Par egzanp, i ti ankoler vitman e i ti sirprann pour vwar ki i ti vreman difisil pour kontrol son lakoler. Anfet, Kevin ti dir ki pour aprann kontrol son lakoler ti pli difisil ki pour aret  fer sa bann move keksoz ki i ti pe fer avan batenm! Me i ti kapab fer sanzman par sipliy Zeova pour ed li e par etidye Labib o profon.

³ Avan ki nou ti batize, bokou nou ti bezwen fer bann gran sanzman pour ki nou kapab viv dapre standar Labib. Menm la konmela, i kapab ki i annan bann pti sanzman ki nou bezwen fer pour imit Bondye ek Zezi. (Efezyen 5:1, 2; 1 Pyer 2:21) Par egzanp nou kapab remarke ki nou konplent en kantite ouswa fann rimer e koz an mal lo lezot. Petet par ler nou kapab sitan enkyet ki lezot i kapab panse e dir lo nou ki nou pa fer sa ki byen. I kapab ki pour plizyer lannen nou’n esey fer serten sanzman, kantmenm sa, nou kontinyen fer bann menm fot. Alor, nou kapab demann nou lekor: ‘Akoz i sitan difisil pour mwan fer sa bann pti sanzman? Ki mon bezwen fer pour kapab aplik sa ki Labib i dir pour ki mon kapab amelyor mon personnalite?’

4. Akoz nou pa kapab fer plezir Zeova dan tou sa ki nou fer?

⁴ Nou kontan Zeova e nou anvi fer li plezir avek tou nou leker. Malerezman, nou pa kapab toultan fer li plezir akoz nou enparfe. Souvandfwa nou santi parey Pol ki ti dir: “Mon oule fer sa ki byen, mon pa kapab fer li.”​—Romen 7:18; Zak 3:2.

5. Ki bann sanzman ki nou ti fer avan nou ti batize, me ki bann febles nou kapab ankor pe lalit avek?

⁵ Avan ki nou ti batize, nou ti bezwen aret fer bann keksoz ki Zeova i deteste. (1 Korentyen 6:9, 10) Me nou ankor enparfe. (Kolosyen 3:9, 10) Alor nou kontinyen fer bann fot menm si nou’n batize pour plizyer lannen. Tanzantan, nou kapab annan bann move dezir ek santiman oubyen nou kapab vwar li difisil pour kontrol en febles dan nou personnalite. Anfet, nou kapab lalit avek sa menm febles pour plizyer lannen.

6, 7. (a) Kwa ki fer li posib pour nou vin zanmi Zeova menm si nou enparfe? (b) Akoz nou pa devret aret demann Zeova pardon dan lapriyer?

⁶ Menm si nou enparfe, nou kapab annan en lanmitye avek Zeova e servi li. Toultan rapel ki mannyer ou ti vin zanmi Zeova. I ti sa Enn ki ti vwar sa ki bon dan ou e ki ti anvi ou konn li. (Zan 6:44) I ti osi konnen ki ou ti annan bann defo ek febles e ki ou ti pou fer bann fot. Kantmenm sa, Zeova i ankor anvi ki ou vin son zanmi.

⁷ Zeova in telman kontan nou ki i’n donn nou en kado presye. I ti anvoy son Garson, Zezi, lo later pour ki i donn son lavi konman en ranson pour liber nou dan pese. (Zan 3:16) Ler nou fer en fot nou kapab demann Zeova pour pardonn nou. Vi ki i’n pey sa ranson, nou kapab asire ki i pou pardonn nou e ki nou pou reste son zanmi. (Romen 7:24, 25; 1 Zan 2:1, 2) Pa bliye ki Zezi ti mor pour bann dimoun ki repantir. Alor, menm si nou santi ki sa ki nou ti fer avan i tro move, nou pa devret zanmen aret demann Zeova pardon dan lapriyer. Si nou pa  demann li pardon, nou pou parey en dimoun ki refize lav son lanmen sal. Pa nou devret rekonesan anver Zeova ki’n fer li posib pour nou vin son zanmi menm si nou enparfe!​—Lir 1 Timote 1:15.

8. Akoz nou pa devret inyor nou bann febles?

⁸ Byensir, nou pa devret inyor nou bann febles oubyen toultan rod leskiz pour zot. Zeova in fini dir nou ki kalite dimoun son bann zanmi i devret ete. (Psonm 15:1-5) Alor, si nou anvi vin pli pros avek Zeova, nou bezwen kontinyen esey imit li ek son Garson. Nou osi bezwen esey kontrol nou bann move dezir e menm debaras nou avek serten sa bann dezir. Menm si nou’n batize pour en bon pe letan, nou devret kontinyen amelyor nou personnalite.​—2 Korentyen 13:11.

9. Ki mannyer nou konnen ki nou kapab kontinyen devlop sa nouvo personnalite?

⁹ Zapot Pol ti dir bann Kretyen: “Zot devre alor debaras zot avek zot vye natir, ki ti zot fason viv otrefwa, ki ti anmenn larin par son bann dezir tronper. [Kontinyen] sanz zot leker ek zot lespri konpletman. Vin en dimoun konpletman nouvo, kree dan resanblans Bondye. Dimoun i ava war ki zot pe viv dan en fason zis e sen ki laverite i prodwir.” (Efezyen 4:22-24) Alor, i vedir ki nou bezwen kontinyen fer zefor pour sanze e vin “en dimoun konpletman nouvo.” Nenport ki kantite letan nou’n servi Zeova, nou pou toultan kapab aprann plis lo son bann kalite. Labib i kapab ed nou fer bann sanzman dan nou personnalite pour ki nou vin pli parey Zeova.

10. Ki nou bezwen fer pour kontinyen fer bann sanzman avek led Labib e ki kestyon nou kapab demande?

¹⁰ Nou tou nou anvi fer sa ki Labib i dir. Me nou bezwen kontinyen fer bokou zefor si nou anvi kontinyen fer bann sanzman. Akoz nou bezwen fer bokou zefor? Eski Zeova pa kapab fer keksoz fasil pour nou fer sa ki byen?

11-13. Akoz Zeova i ekspekte ki nou fer zefor pour sirmont nou bann febles?

¹¹ Ler nou mazin lo liniver ek tou sa ki ladan, nou napa okenn dout ki Zeova i annan sa pwisans pour fer nenport ki keksoz. Par egzanp, i’n fer soley ki vreman pwisan. Sak segonn, soley i prodwir en gran kantite lalimyer ek lasaler, pourtan zis en pti poursantaz sa lenerzi ki neseser pour ki i annan lavi lo later. (Psonm 74:16; Izai 40:26) Zeova i osi donn pwisans son bann serviter lo later ler zot  bezwen. (Izai 40:29) I kler alor ki si Zeova i anvi, i kapab fer li pli fasil pour nou lalit kont nou bann febles e pour aret annan bann move dezir. Me, akoz i pa fer sa?

¹² Zeova in donn nou sa liberte pour swazir. I les nou swazir si nou pou obei li ouswa non. Ler nou swazir pour obei li e fer zefor pour fer son lavolonte, nou montre ki nou kontan li e nou anvi fer li plezir. Satan i dir ki Zeova napa drwa dirize. Me ler nou obei Zeova, nou montre ki nou anvi ki i diriz nou. Nou kapab asire ki nou bann zefor pour obeir nou Papa lanmour, i annan en gran valer pour li. (Zob 2:3-5; Proverb 27:11) Ler nou fer bokou zefor pour kontrol nou bann febles menm si i difisil pour fer li, nou montre ki nou fidel avek Zeova e ki nou anvi i diriz nou.

¹³ Zeova i dir nou ki nou devret fer bokou zefor pour imit son bann kalite. (Kolosyen 3:12; lir 2 Pyer 1:5-7.) I osi anvi ki nou fer bokou zefor pour annan kontrol lo sa ki nou panse ek nou santiman. (Romen 8:5; 12:9) Ler nou bezwen fer bokou zefor pour fer bann sanzman e nou reisi fer zot, nou santi nou vreman ere.

14, 15. Ki nou devret fer pour devlop bann kalite ki Zeova i kontan? (Vwar sa bwat “ Labib ek lapriyer ti sanz zot lavi.”)

¹⁴ Ki nou devret fer pour devlop bann kalite ki Zeova i kontan? Olye zis desid lo nou menm ki sanzman  pour fer, nou devret les Zeova gid nou. Romen 12:2 i dir: “Pa swiv bann koutim sa lemonn aktyel me les Bondye transform zot e donn zot en nouvo lentelizans. Alor, zot ava kapab disern lavolonte Bondye: sa ki byen, sa ki fer li plezir, sa ki parfe.” Alor, pour konnen ki Zeova i anvi, nou bezwen depan lo son led ki i donnen. Nou devret lir Labib tou le zour, medit lo sa ki nou lir e demann Zeova son lespri sen dan lapriyer. (Lik 11:13; Galat 5:22, 23) Si nou fer sa bann keksoz, Zeova pou ed nou konpran kwa ki fer li plezir e nou pou kapab konn son fason panse. Alor, sa ki nou panse, sa ki nou dir e fer pou fer Zeova pli kontan e nou pou aprann ki mannyer pour kontrol nou bann febles. Me kantmenm sa, nou pou bezwen kontinyen lalit avek nou bann febles.​—Proverb 4:23.

¹⁵ An plis ki zis lir Labib sak zour, nou bezwen etidye li par servi nou bann piblikasyon, parey Latour Veyer ek Awake! En kantite lartik dan sa bann magazin i montre nou ki mannyer pour imit bann kalite Zeova e ki mannyer pour lalit avek nou bann febles. Nou pou osi kapab vwar serten lartik ek verse Labib ki pou benefisye nou. Nou kapab gard sa bann lartik ek verse pour nou kapab relir zot tanzantan.

16. Akoz nou pa devret dekouraze si nou pa kapab fer bann sanzman deswit?

 ¹⁶ I pran letan pour imit bann kalite Zeova. Alor, si ou santi ki ou pa’n fer sa kantite sanzman ki ou ti anvi, annan pasyans. O konmansman, petet ou pou bezwen fors ou lekor pour fer sa ki Labib i dir. Me pli ou mazin e azir parey Zeova i anvi ou fer, i pou vin pli fasil pour mazin parey li e pour fer sa ki byen.​—Psonm 37:31; Proverb 23:12; Galat 5:16, 17.

17. Ki zoli lavenir nou pou gannyen si nou reste fidel avek Zeova?

¹⁷ Nou pe esper avek pasyans sa letan ler nou pou vin parfe e servi Zeova pour touzour. Sa letan, nou pa pou bezwen lalit avek okenn febles e i pou pli fasil pour imit Zeova. Me depi la konmela, nou kapab ador Zeova parski i’n donn nou ranson konman en kado. Menm si nou enparfe, nou kapab fer li plezir si nou kontinyen fer bokou zefor pour fer bann sanzman e swiv son lansennyman ki dan Labib.

18, 19. Ki mannyer nou asire ki Labib i kapab ed nou kontinyen fer bann sanzman dan nou lavi?

¹⁸ Kevin ti fer tou sa ki i ti kapab pour kontrol son lakoler. I ti medit lo sa ki i ti lir dan Labib e fer zefor pour fer bann sanzman dan son lavi. I ti osi swiv konsey ki bann frer Kretyen ti donn li. Menm si i ti pran plizyer lannen pour amelyore, avek letan Kevin ti vin asistan ministeryel e pour sa dernyen 20 an in servi konman en ansyen. Me menm la konmela, i konnen ki i bezwen kontinyen lalit avek son bann febles.

¹⁹ Parey Kevin, nou osi nou kapab kontinyen amelyor nou personnalite. Si nou fer sa, nou pou kontinyen vin pli pros avek Zeova. (Psonm 25:14) Ler nou fer tou sa ki nou kapab pour fer bann sanzman pour fer Zeova plezir, i pou ed nou pour reisi. Alor, nou kapab asire ki avek led Labib, nou pou kapab kontinyen fer bann sanzman dan nou lavi.​—Psonm 34:8.