LESON 34
Ki mannyer nou kapab montre Zeova ki nou kontan li?
Eski ou santi ou’n vin pli pros avek Bondye depi ou’n konmans etidye Labib? Ou ti a kontan ou lanmitye avek li i kontinyen vin pli for? Si wi, gard antet ki pli Zeova i vwar ou lanmour pour li vin pli for pli i pou kontan ou e pran swen avek ou. Ki mannyer ou kapab montre li ki ou kontan li?
1. Ki mannyer nou kapab montre Zeova ki nou kontan li?
Nou montre ki nou kontan Zeova ler nou obeir li. (Lir 1 Zan 5:3.) I pa fors personn pour obeir li. Plito, i donn nou tou sa loportinite pour swazir si nou pou obeir li oubyen non. Akoz? Zeova i anvi ki nou “obeir [li] avek tou [nou] leker.” (Romen 6:17) Savedir, i anvi ou obeir li, pa akoz ou oblize, me akoz ou kontan li. Parti 3 ek 4 dan sa liv pou ed ou pour montre ki ou kontan Zeova par fer sa ki fer li plezir e evite fer sa ki depler li.
2. Akoz parfwa i kapab difisil pour nou montre Zeova ki nou kontan li?
“En dimoun ki fer sa ki byen i pas dan bokou problenm.” (Psonm 34:19) Nou tou nou bezwen lite avek nou prop lenperfeksyon. Deplis, i kapab ki nou bezwen fer fas avek bann problenm ekonomik, lenzistis e lezot difikilte ankor. Ler nou rankontre difikilte, i kapab pa fasil pour fer sa ki Zeova i demann nou. Petet i pou pli fasil pour fer sa ki mal. Me ler ou toultan fer sa ki Zeova i dir ou, ou montre ki ou kontan li plis ki okenn lezot keksoz. Ou osi montre ki ou fidel avek li. An retour, li osi i pou fidel avek ou. I pa pou zanmen abandonn ou.—Lir Psonm 4:3.
AL PLI O PROFON
Vwar akoz ou lobeisans i enportan pour Zeova e kwa ki kapab ed ou reste fidel avek li.
3. En size ki konsern ou
Dapre liv Zob dan Labib, Satan ti fer en lakizasyon pa zis kont Zob me osi kont tou dimoun ki anvi servi Zeova. Lir Zob 1:1, 6–2:10 e apre reponn sa bann kestyon:
-
Dapre Satan, akoz Zob ti obeir Zeova?—Vwar Zob 1:9-11.
-
Ki Satan ti dir lo tou bann imen enkli ou?—Vwar Zob 2:4.
Lir Zob 27:5b e apre reponn sa kestyon:
-
Ki mannyer Zob ti montre ki i ti vreman kontan Zeova?
Zob ti montre ki i kontan Zeova par reste fidel avek li
Nou montre ki nou kontan Zeova par reste fidel avek li
4. Fer plezir Zeova
Lir Proverb 27:11 e apre reponn sa bann kestyon:
-
Ki mannyer Zeova i santi ler ou fer sa ki byen e obeir li? Akoz?
5. Ou kapab reste fidel avek Zeova
Nou lanmour pour Zeova i pous nou pour koz avek lezot lo li. Nou fidelite anver li i pous nou pour fer sa, menm ler i pa fasil. Zwe sa VIDEO e apre reponn sa bann kestyon.
-
Eski parfwa ou vwar li difisil pour koz avek lezot lo Zeova?
-
Kwa ki ti ed Grayson pour sirmont son lafreyer dan sa video?
I pli fasil pour montre nou fidel avek Zeova ler nou kontan sa ki i kontan e deteste sa ki i deteste. Lir Psonm 97:10 e apre reponn sa bann kestyon:
-
Dapre sa ki ou’n aprann, nonm serten keksoz ki Zeova i kontan. Ki serten keksoz ki i deteste?
-
Ki mannyer ou kapab aprann kontan sa ki byen e deteste sa ki mal?
6. Nou menm ki benefisye ler nou obeir Zeova
I toultan pli bon pour obeir Zeova. Lir Izai 48:17, 18 e apre reponn sa bann kestyon:
-
Eski ou krwar nou kapab fer konfyans Zeova ki toultan i konnen kwa ki pli bon pour nou? Akoz?
-
Ki mannyer ou letid lo Labib e lo sa vre Bondye Zeova in benefisye ou ziska prezan?
SERTEN DIMOUN I DIR: “Bondye pa fatig li avek sa ki mon fer.”
-
Ki verse Labib ou kapab servi pour montre ki nou aksyon i annan en lefe lo santiman Zeova?
REZIMEN
Ou kapab montre Zeova ki ou kontan li par obeir li e reste fidel avek li menm dan difikilte.
Revizyon
-
Ki ou’n aprann avek legzanp Zob?
-
Ki mannyer ou pou montre Zeova ki ou kontan li?
-
Kwa ki pou ed ou reste fidel avek Zeova?
FER PLIS RESERS
Dekouver ki mannyer ou kapab montre ou fidelite avek Zeova e avek kongregasyon.
Aprann plis konsernan lakizasyon ki Satan ti fer kont bann imen.
“Zob i gard son lentegrite” (Labib—Ki son mesaz? seksyon 6)
Vwar ki mannyer menm bann zanfan i kapab montre ki zot kontan Zeova.
Ki mannyer en zenn ki ganny bokou presyon avek lezot zenn, i kapab reste fidel avek Bondye?
Ou pou kapab kontan sa osi
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
