LESON 24
Laverite lo bann lanz
Zeova i anvi nou konn son fanmir dan lesyel. Son fanmir i enkli bann lanz, ki ganny apele “bann garson Bondye.” (Zob 38:7) Ki Labib i dir lo bann lanz? Ki mannyer zot enfliyans dimoun? Eski tou lanz i form par fanmir Bondye?
1. Lekel bann lanz?
Zeova ti kree bann lanz avan i ti fer later. Parey li, bann lanz i bann lespri envizib ki viv dan lesyel. (Ebre 1:14) I annan plizyer milyon lanz e sakenn i annan son prop personnalite. (Revelasyon 5:11) Zot “fer sa ki [Zeova] i dir e . . . obeir son parol.” (Psonm 103:20) Dan letan lontan, Zeova ti parfwa anvoy bann lanz delivre bann mesaz e osi ed e sov son pep. Ozordi, bann lanz i gid bann Kretyen ver bann dimoun ki anvi aprann lo Bondye.
2. Lekel Satan ek son bann demon?
Serten lanz pa ti reste fidel avek Zeova. Premye lanz ki ti rebele i “sa enn ki ganny apele Dyab ek Satan ki pe anbet dimoun lo later antye.” (Revelasyon 12:9) Satan ti anvi annan lotorite lo lezot, alor i ti enfliyans Adan ek Ev e pli tar menm lezot lanz pour dezobeir Zeova. Sa bann lanz ki ti rebele i ganny apele bann demon. Zeova in pous zot dan lesyel e zot pou ganny detrir.—Lir Revelasyon 12:9, 12.
3. Ki mannyer Satan ek son bann demon i esey anbet nou?
Satan ek son bann demon i anbet bokou dimoun atraver bann pratik demonyak, ki enkli esey kominik avek bann demon. Par egzanp, serten dimoun i konsilte bann astrolog, bann dimoun ki predir lavenir e menm bann bonnonm dibwa. Lezot i esey rod bann tretman medikal ki enplik grigri. Dimoun i osi ganny anbete ler zot krwar ki zot kapab koz avek bann dimoun mor. Me Zeova i averti nou: “Pa bezwen al kot bann dimoun ki kominik avek bann ki’n mor ek bann dimoun ki predir lavenir.” (Levitik 19:31) I donn nou sa lavertisman pour protez nou kont Satan ek son bann demon. Zot lennmi Bondye e zot anvi fer nou ditor.
AL PLI O PROFON
Aprann konsernan bann bon keksoz ki bann lanz i fer, danze bann pratik demonyak e ki mannyer nou kapab protez nou kont Satan ek son bann demon.
4. Bann lanz i ed dimoun pour aprann lo Zeova
Bann lanz Bondye pa pres direkteman avek bann dimoun. Par kont, zot kapab ed bann serviter Zeova pour zwenn bann dimoun ki anvi aprann konn li. Lir Revelasyon 14:6, 7 e apre reponn sa bann kestyon:
-
Akoz nou bezwen led bann lanz pour prese?
-
Eski i ankouraz ou pour konnen ki bann lanz i kapab gid ou ver bann dimoun ki bezwen antann konsernan Labib? Akoz?
5. Rezet bann pratik demonyak
Satan ek bann demon i bann lennmi Zeova. Zot nou lennmi osi. Lir Lik 9:38-42 e apre reponn sa kestyon:
-
Ki mannyer bann demon i tret dimoun?
Nou pa anvi les bann demon enfliyans nou. Lir Deterononm 18:10-12 e apre reponn sa bann kestyon:
-
Dan ki fason bann demon i esey enfliyans nou e esey kominik avek nou? Ki bann kalite pratik ki popiler kot ou reste?
-
Eski ou vwar li rezonnab ki Zeova i enterdi sa bann pratik demonyak? Akoz?
Zwe sa VIDEO e apre reponn sa bann kestyon.
-
Eski ou krwar ki sa brasle ki pti fiy Palesa ti mete ti kapab en danze pour li? Akoz?
-
Ki Palesa ti bezwen fer pour li ganny proteze kont bann demon?
Bann vre Kretyen in toultan opoz bann demon. Lir Akt 19:19 ek 1 Korentyen 10:21 e apre reponn sa kestyon:
-
Akoz i enportan pour debaras nou avek okenn keksoz ki kapab annan kek konneksyon avek bann pratik demonyak?
6. Ranport sa lager kont Satan ek son bann demon
Bann demon i ganny dirize par Satan. Me bann lanz fidel i ganny dirize par sef bann lanz Mikael ki en lot non pour Zezi. Ki kantite pwisan Mikael i ete? Lir Revelasyon 12:7-9 e apre reponn sa bann kestyon:
-
Lekel ki pli pwisan? Mikael ek son bann lanz oubyen Satan ek son bann demon?
-
Eski ou krwar ki bann disip Zezi i devret per Satan ek son bann demon?
Ou kapab ganny sa lager kont Satan ek son bann demon. Lir Zak 4:7 e apre reponn sa kestyon:
-
Ki mannyer ou kapab protez ou lekor kont Satan ek son bann demon?
SERTEN DIMOUN I DIR: “Bann liv oubyen film demonyak pa toultan mal. Zot la pour detann nou.”
-
Akoz i danzere pour annan sa pwennvi?
REZIMEN
Bann lanz fidel i ed nou. Satan ek son bann demon i lennmi Zeova e zot servi bann pratik demonyak pour anbet dimoun.
Revizyon
-
Ki mannyer bann lanz Zeova pe ed dimoun pour aprann konn li?
-
Lekel Satan ek son bann demon?
-
Akoz ou pa anvi annan nanryen pour fer avek bann pratik demonyak?
FER PLIS RESERS
Vwar laprev ki Zezi i Mikael, sef bann lanz.
Vwar laprev ki Dyab pa zis en prensip oubyen sa move kote dan nou.
Vwar ki mannyer en madanm ti ganny libere avek bann lenfliyans demonyak.
“She Found a Purpose in Life” (Latour Veyer 1 Zilyet 1993 an Angle)
Dekouver ki mannyer Satan i servi bann pratik demonyak pour anbet dimoun.
“The Truth About Magic, Sorcery, and Witchcraft” (The Road to Everlasting Life, parti 5)
Ou pou kapab kontan sa osi
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
