LESON 03
Eski ou kapab krwar sa ki Labib i dir?
Dan Labib, i annan bokou promes ek bokou konsey. Petet ou ti a kontan konnen ki annan ladan me an menm tan petet ou anvi fer byen atansyon. Eski ou devret krwar bann promes ek konsey ki sorti dan en vye liv koumsa? Eski ou vreman krwar sa ki Labib i dir konsernan annan en bon lavi la konmela e osi dan le fitir? Bokou dimoun i krwar sa. Annou vwar si ou osi ou kapab krwar sa.
1. Eski sa ki Labib i dir i vre?
Labib li menm i dir ki bann parol kiʼn ganny ekrir i “vre e egzakt” (Eklezyas 12:10) I koz lo bann levennman ki ti enplik bann vre dimoun. (Lir Lik 1:3; 3:1, 2.) Bokou istoryen ek arkeolozis in konfirmen ki bann dat, dimoun, landrwa ouswa levennman ki Labib i koz lo la i vre.
2. Akoz nou kapab depan lo Labib malgre in ganny ekrir bokou letan pase?
Souvandfwa, Labib i mansyonn bann keksoz ki imen pa ti ankor dekouver, letan Labib ti ganny ekrir. Par egzanp, i koz lo bann size syantifik. Ler Labib ti ganny ekrir, dimoun pa ti ankor dekouver sa ki i ti dir lo sa bann size. Me ozordi, lasyans i konfirmen ki sa ki Labib i dir i vre. Nou toultan kapab depan lo li “la konmela e pour touzour.”—Psonm 111:8.
3. Akoz nou kapab krwar sa ki Labib i dir konsernan lavenir?
Dan Labib, i annan bann profesi a ki predir “bann keksoz ki pa ankor ganny fer.” (Izai 46:10) Plizyer levennman dan listwar ti’n fini ganny predir dan Labib byen davans. I ti osi predir an detay sa bann keksoz ki nou pe vwar dan lemonn ozordi. Dan sa leson, nou pou egzamin serten profesi Labib. I enkrwayab ki mannyer sa bann profesi i egzakt!
AL PLI O PROFON
Vwar ki mannyer lasyans ozordi i annakor avek Labib e dekouver enn de profesi dan Labib ki vreman remarkab.
4. Lasyans i annakor avek Labib
Lontan, laplipar dimoun ti krwar ki later ti pe tenir lo en keksoz. Zwe sa VIDEO.
Get byen ki liv Zob ti dir apepre 3,500 an pase. Lir Zob 26:7 e apre reponn sa kestyon:
-
Akoz i sirprann nou ki Labib i dir ki later i “anpandan lo nanryen”?
Zonm in kapab byen konpran sa prosesis pour renouvle delo, apepre 200 an pase. Pourtan, gete ki Labib ti dir apepre 3,500 an pase. Lir Zob 36:27, 28 e apre reponn sa bann kestyon:
-
Akoz sa deskripsyon senp lo lafason ki delo i ganny renouvle i vreman remarkab?
-
Eski sa teks Labib ki ou fek lir i fer ou annan plis konfyans dan Labib?
5. Labib ti predir bann levennman enportan
Lir Izai 44:27–45:2 e apre reponn sa kestyon:
-
Ki bann detay ki Labib ti predir apepre 200 an avan ki Babilonn ti ganny atake?
Listwar i konfirmen ki lerwa Pers, Siris ek son bann larme ti pran kontrol lo lavil Babilonn an 539 avan Kris. I ti annan en larivyer ki ti protez sa lavil me zot ti sanz direksyon ki sa delo larivyer ti koule. Apre ki zot ti’n antre dan baro lavil ki ti’n reste ouver, zot ti pran kontrol lo sa lavil san bezwen lager. Ozordi, plis ki 2,500 an pli tar, Babilonn pa’n ganny rekonstrir. Gete ki Labib ti predir.
Lir Izai 13:19, 20 e apre reponn sa kestyon:
-
Ki mannyer sa profesi ti ganny akonplir?
Irak, lavil Babilonn pa’n zanmen ganny rekonstrir
6. Labib ti predir sa bann keksoz ki nou pe vwar ozordi
Labib i dir ki nou pe viv dan “bann dernyen zour.” (2 Timote 3:1) Gete ki Labib ti predir konsernan sa letan.
Lir Matye 24:6, 7 e apre reponn sa kestyon:
-
Ki mannyer Labib i dekri bann dernyen zour?
Lir 2 Timote 3:1-5 e apre reponn sa bann kestyon:
-
Ki mannyer Labib i dekri latitid dimoun an zeneral dan bann dernyen zour?
-
Ki kalite latitid ou menm ou’n obzerve?
SERTEN DIMOUN I DIR: “Labib i en liv zistwar sa.”
-
Dapre ou, kwa ki pli konvenk ou ki ou kapab krwar dan Labib?
REZIMEN
Listwar, lasyans ek profesi, tousala i donn ou rezon pour krwar dan Labib.
Revizyon
-
Eski Labib i dir laverite?
-
Nonm serten domenn kot lasyans i annakor avek Labib.
-
Eski ou krwar Labib i kapab predir lavenir? Akoz?
FER PLIS RESERS
Eski i annan bann fot ki Labib in fer konsernan lasyans?
Ki nou pe vwar dan “bann dernyen zour”?
“6 profesi Labib ki ou pe vwar akonplir” (Latour Veyer 1 Zen 2011)
Gete ki mannyer bann profesi Labib konsernan Lanpir Grek ti vin vre.
Dekouver ki mannyer bann profesi Labib ti sanz pwennvi en zonm konsernan Labib.
a Profesi i bann mesaz sorti kot Bondye ki predir bann levennman ki pou arive dan lavenir.
Ou pou kapab kontan sa osi
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
