KONMANS EN KONVERSASYON
LESON 5
Annan respe
Prensip: “Zot parol i devret touzour agreab.”—Kol. 4:6.
Sa ki Pol ti fer
1. Get sa VIDEO oubyen lir Akt 17:22, 23. Apre reponn sa bann kestyon swivan:
-
Ki mannyer Pol ti santi anver bann fo pratik relizye ki i ti vwar Atenn?—Vwar Akt 17:16.
-
Olye kondann bann Atenyen, ki mannyer Pol ti demontre respe ler i ti servi zot krwayans pour koz lo sa bon nouvel?
Ki nou aprann avek Pol?
2. Dimoun pou pli anvi ekout nou si nou swazir byen sa ki nou dir, lafason ki nou koze e kan ki nou koze.
Fer parey Pol
3. Swazir byen ou bann mo. Par egzanp, ler ou koz avek en dimoun ki pa Kretyen, petet ou bezwen adapte lafason ki ou koz lo Labib oubyen lo Zezi.
4. Pa bezwen vitman koriz en dimoun. Les li lib pour dir sa ki i santi. Si i dir en keksoz ki pa annakor avek bann lansennyman Labib, pa bezwen argimante. (Zak 1:19) Ler ou ekout li, ou pou aprann lo son krwayans e akoz i krwar ladan.—Prov. 20:5.
5. Felisit e montre ki ou dakor avek sa dimoun ler i posib. Petet i senserman krwar ki son krwayans relizye i bon. Esey koz avek li lo en keksoz ki zot tou le de zot dakor e kontinyen ed li pour konpran sa ki Labib i dir.
