Zob 42:1-17
42 Alor Zob ti reponn Zeova:
2 “Aprezan, mon konpran ki ou kapab fer tou keksoz
E napa nanryen ki enposib pour ou fer.
3 Ou’n dir, ‘Lekel ki napa konnesans ki’n rezet mon konsey?’
Alor mon’n koze me san konpranBann keksoz ki tro merveye pour mwan, bann keksoz ki mon pa konnen.
4 Ou’n dir, ‘Silvouple ekoute e mon pou koze.
Mon pou demann ou kestyon e ou pou reponn mwan.’
5 Mon’n tann koz lo ou,Me la mon vwar ou avek mon prop lizye.
6 Sanmenm mon regrete sa ki mon’n dir*E mon repantir dan lapousyer ek lasann.”
7 Apre ki Zeova ti’n dir Zob sa bann parol, Zeova ti dir Elifaz sa Temannit:
“Mon ankoler avek ou ek ou de zanmi akoz zot pa’n koz laverite lo mwan parey mon serviter Zob in fer.
8 Aprezan pran set toro ek set mal mouton e al kot mon serviter Zob. Ofer bann sakrifis brile pour zot menm. Mon serviter Zob pou priy pour zot e sirman mon pou aksepte son demann* pour ki mon pa pini zot akoz zot bann parol bet. Parski zot pa’n koz laverite lo mwan parey mon serviter Zob in fer.”
9 Alor Elifaz sa Temannit, Bildad sa Souit ek Zofar sa Naamatit ti al fer sa ki Zeova ti’n demann zot pour fer. Zeova ti ekout lapriyer Zob.
10 Apre ki Zob ti’n priy pour son bann zanmi, Zeova ti tir bann problenm Zob e i ti redonn li son larises.* Zeova ti donn li de fwa plis ki sa ki i ti annan avan.
11 Tou son bann frer ek ser, son bann zanmi ki ti konn li depi avan ti vin manz avek li kot son lakaz. Zot ti senpatiz e rekonfort li akoz tou sa bann maler ki Zeova ti’n les ariv lo li. Zot tou zot ti donn li en pyes larzan ek en bag annor.
12 Alor Zeova ti beni lafen lavi Zob plis ki o konmansman. Finalman, Zob ti reganny 14,000 mouton, 6,000 samo, 1,000 per bef ek 1,000 femel bourik.
13 Deplis, i ti ganny set lezot garson e trwa lezot fiy.
14 I ti apel sa premye fiy Zemima, dezyenm fiy Kezia e sa trwazyenm fiy Kerenn-Apouk.
15 I ti napa pli zoli fiy ki bann fiy Zob dan tou sa pei e zot papa ti donn zot en leritaz ansanm avek zot bann frer.
16 Apre sa, Zob ti viv ankor 140 an, i ti vwar son bann zanfan ek pti zanfan, kat zenerasyon.
17 Finalman Zob ti mor. I ti’n viv lontan e i ti satisfe avek son lavi.
Bann not
^ Oubyen “mon repran sa ki mon’n dir.”
^ Literalman, “mon pou lev son figir.”
^ Oubyen “Zeova ti delivre Zob konman prizonnyen.”
