Zob 24:1-25
24 “Akoz sa Enn Tou Pwisan pa’n fikse en zour?
Akoz bann ki konn li pa vwar son zour?*
2 Bann dimoun i deplas taso.
Zot vol mouton e anmenn zot dan zot laplenn zerb.
3 Zot pran bourik bann orfelen*E zot pran toro en vev konman garanti pour en lón.
4 Zot fors bann pov pour kit semen.
Bann malere lo later i bezwen kasyet akoz zot.
5 Bann pov i bezwen rod zot manze parey bann bourik maron dan dezer.
Zot rod manze pour zot zanfan dan dezer.
6 Zot bezwen rekolte dan plantasyon* en lot dimounE anmas sa ki bann move dimoun in kit deryer dan zot plantasyon rezen.
7 Zot pas lannwit touni san okenn lenz.
Zot napa nanryen pour kouver zot dan lafreser.
8 Zot tou tranpe avek lapli sorti dan montanny.
Zot kasyet anba ros akoz zot napa en landrwa reste.
9 En orfelen i ganny pran pardfors ler i ankor pe teteE zot pran lenz bann pov konman garanti pour en lón.
10 Zot ganny forse pour mars touni, san okenn lenzE zot lafen menm si zot pe anmenn bann pake dible.
11 Dan gro ker soley, zot rente dan plantasyon ant bann miray ros.*
Zot kraz rezen dan preswar diven, kantmenm sa zot swaf.
12 Bann ki pe mor i kontinyen plennyen dan lavil,Bann ki’n ganny bann blesir grav i kriy osekour,Me Bondye pa fatig li avek sa.*
13 I annan dimoun ki rebel kont lalimyer.
Zot pa oule konn son bann semenE zot pa swiv son bann santye.
14 En mertriye i lev granmaten,I touy bann malere ek bann povE aswar i al vole.
15 Sa enn ki komet adilter i esper soley kouse.
I dir dan li menm, ‘Personn pa pou vwar mwan!’
E i kasyet son figir.
16 Dan fernwanr zot kas* lakaz.
Lizour zot reste kot zot.
Zot pa konn lalimyer lizour.
17 Zot pa per dan fernwanr,
Parski pour zot, bomaten i konmsi fernwanr.
18 Me en sel kou, delo i anmenn zot.*
Zot bout later pou ganny modi.
Zot pa pou retourn dan zot plantasyon rezen.
19 Zis parey lasesres ek lasaler i fer lanez ki’n fonn disparet,Latonm* i pran bann ki’n fer pese!
20 Son manman* pou oubliy li. Moutouk pou devor li.
Personn pa pou rapel li ankorE bann move dimoun pou tonbe parey en pye dibwa.
21 I fer ditor en madanm sterilE i maltret en vev.
22 Bondye* pou servi son lafors pour fer sa enn pwisan disparet.
Menm si zot ganny en o pozisyon, zot pa asire si zot pou viv.
23 Bondye* i les zot vin konfidan e an sekirite,Me son lizye i vwar tou sa ki zot fer.*
24 Pour en pe letan, zot ganny onore e apre zot nepli la.
Zot ganny abese e zot mor parey tou dimoun.
Zot ganny koupe parey zepi.
25 Prezan, lekel ki kapab dir ki mon en manterOubyen kontredir mon parol?”
Bann not
^ Setadir, son zour zizman.
^ Oubyen “zanfan ki napa papa.”
^ Oubyen posibleman, “rekolte zerb sek dan plantasyon.”
^ Oubyen posibleman, “zot kraz zoliv pour fer delwil ant bann miray ros.”
^ Oubyen posibleman, “Bondye pa akiz personn pour fer sa ki mal.”
^ Literalman, “fouy dan.”
^ Literalman, “I al vit lo delo.”
^ Ebre, Sheʹol, setadir, latonm tou bann dimoun ki’n mor an zeneral. Vwar Leksplikasyon bann mo.
^ Literalman, “Matris.”
^ Literalman, “I.”
^ Literalman, “I.”
^ Literalman, “lo zot semen.”
