Psonm 99:1-9
99 Zeova in vin Lerwa. Ki tou pep i tranble.
I asiz par lao* bann seriben.* Ki later i sekwe.
2 Zeova i gran dan SiyonE tou bann pep i anba son lotorite.
3 Ki zot loue ou gran nonParski i enpresyonan* e sen.
4 I en lerwa pwisan ki kontan lazistis.
Ou’n byen etabli sa ki drwat.
Ou’n anmenn lazistis ek ladrwatir pour Zakob.
5 Glorifye Zeova nou Bondye e tonm azenou* kot i met son lipye.Bondye i sen.
6 Moiz ek Aaron ti son bann pretE Samyel ti parmi bann ki ti loue son non.
Zot ti priy ZeovaE i ti reponn zot.
7 I ti koz avek zot dan kolonn nyaz.
Zot ti obei bann lalwa ek rapel ki i ti donn zot.
8 O Zeova nou Bondye, ou ti reponn zot.
Ou ti en Bondye ki ti pardonn zot,Me ou ti pini zot* pour pese ki zot ti fer.
9 Glorifye Zeova nou BondyeE tonm azenou devan* son montanny sen,Parski Zeova nou Bondye i sen.
Bann not
^ Oubyen posibleman, “ant.”
^ Vwar Leksplikasyon bann mo.
^ Oubyen “efreyan.”
^ Oubyen “ador li.”
^ Literalman, “ou ti revanz kont zot.”
^ Oubyen “ador.”
