Obadya 1:1-21
1 Souvren Senyer Zeova ti donn Obadya* en vizyon konsernan Edonm.
Obadya i dir:
“Nou’n tann en nouvel sorti kot Zeova,I’n anvoy en mesaze parmi bann nasyon:
‘Leve, annou met pare pour lager avek Edonm.’”
2 Bondye i dir: “Gete! Mon’n abes ou parmi bann nasyon.
Zot vreman mepriz ou.
3 Ou’n tro konfidan, sanmenm sa ou’n ganny anbete,Ou reste dan kavern ros,Anler dan montanny e dan ou leker ou pe dir,‘Lekel ki pou fer mwan desann anba lo later?’”
4 Zeova i osi dir: “Menm si ou fer ou lakaz anler* parey en legOubyen met ou nik parmi bann zetwal,Mon pou fer ou desann.”
5 “Si voler ti pas kot ou aswar,Pa zot ti pou vol zis sa ki zot anvi?
Oubyen si bann ki anmas rezen ti vin kot ou,Pa zot ti pou kit en pe pour ou?
(Ou pou ganny detrir konpletman!)*
6 Zot in rod tou sa ki ti pour Ezai e zot in pran!
Zot in pran tou bann trezor ki i ti’n kasyet!
7 Tou bann ki’n fer lalyans avek ou* in anbet ou.
Zot in fors ou pour al ziska lo lafrontyer.
Bann dimoun ki anpe avek ou in ganny laviktwar lo ou.
Bann ki pe manz dipen avek ou pou met en latrap pour ou,Me ou pa pou realize.”
8 La sa ki Zeova i dir: “Sa zour,Pa mon pou detri bann dimoun ki annan lasazes dan rezyon EdonmEk bann ki annan disernman dan bann montanny Ezai?
9 Temann, ou bann gerye pou vreman per,Parski tou dimoun dan bann montanny Ezai pou ganny touye.
10 Pour tou sa vyolans ki ou’n fer ou frer Zakob,Ou pou vreman onteE ou pou ganny detrir pour touzour.
11 Sa zour ki ou ti debout a lekar,Sa zour ki bann etranze ti fer son larme vin prizonnyen,Ler bann etranze ti antre dan son baro e tir osor lo Zerizalenm,Ou ti fer parey zot.
12 Ou pa devret pran plezir zour ou frer i pas dan maler,Ou pa devret zwaye zour ki pep Zida i ganny detrirE ou pa devret koz dan en fason arogan zour ki zot dan soufrans.
13 Ou pa devret antre dan baro mon pep zour zot dan maler,Ou pa devret pran plezir dan son detres zour i dan maler,E ou pa devret tous son larises zour i dan maler.
14 Ou pa devret debout dan krwaze semen pour touy bann ki soveE ou pa devret livre bann sirvivan dan lanmen zot lennmi zour ladetres.
15 Parski sa zour ki Zeova pou vin kont tou nasyon i pros.
Parey ou’n fer, sanmenm sa ki pou arive avek ou.
Lafason ki ou’n tret lezot pou refoul lo ou.*
16 Parey ou’n bwar lo mon montanny sen,Tou bann nasyon pou kontinyen bwar zanmen fini.
Zot pou bwar touE i pou konmsi zot pa ti’n zanmen egziste.
17 Me bann ki’n sove pou lo Montanny SiyonE sa montanny pou sen.
Bann desandans* Zakob pou repran bann keksoz ki ti pour zot.
18 Bann desandans Zakob pou vin en dife,Bann desandans Zozef pou vin en laflanmE bann desandans Ezai pou parey lapayKi pou konpletman ganny brile par zot.
I pou napa okenn sirvivan parmi desandans Ezai,Parski Zeova li menm ki’n dir.
19 Zot pou pran Negeb ek rezyon bann montanny Ezai,Rezyon Sefela ek pei bann Filisten.
Zot pou pran lakanpanny Efraim ek lakanpanny SamariE Benzamen pou pran Gilead.
20 Bann egzile sorti par deryer sa gro miray,Setadir pep Izrael, pou pran pei bann Kananeen ziska Zarefat.
Bann dimoun sorti Zerizalenm ki ti’n al an egzil Sefarad pou pran bann lavil Negeb.
21 Bann sover pou mont lo Montanny SiyonPour ziz bann montanny EzaiE Zeova ki pou dirize konman lerwa.”
Bann not
^ Oubyen “Abdyas.” Sa non i vedir “Serviter Zeova.”
^ Oubyen posibleman, “ou anvol o.”
^ Oubyen posibleman, “Ki kantite zot ti pou detri?”
^ Oubyen “ou bann alye.”
^ Literalman, “retonm lo ou latet.”
^ Literalman, “Lakaz.”
