Izai 66:1-24
66 La sa ki Zeova i dir:
“Lesyel i mon tronn e later i sa pti stoul kot mon met mon lipye.
Alor, oli sa lakaz ki zot in konstri pour mwan?
Oli mon landrwa repo?”
2 “Mwan menm ki’n fer tou sa bann keksozE koumsa ki zot in egziste.” La sa ki Zeova in dir.
“Alor mon pou get sa enn,Mon pou get sa enn ki annan limilite e ki dekouraze e ki tranble akoz* sa ki mon dir.
3 Sa dimoun ki pe touy toro i parey en dimoun ki pe touy en lot dimoun.
Sa dimoun ki pe sakrifye en mouton i parey en dimoun ki pe kas likou en lisyen.
Sa dimoun ki pe ofer en kado i parey en dimoun ki pe ofer disan en koson.
Sa dimoun ki pe ofer lansan blan* i parey en dimoun ki pe fer mazik pour donn en benediksyon.*
Zot in swazir zot prop semenE zot kontan bann keksoz ki degoutan.
4 Alor mon pou swazir plizyer fason pour pini zotE mon pou pini zot avek sanmenm sa bann keksoz ki zot per.
Parski ler mon ti kriy zot, personn pa ti reponn.
Ler mon ti koze, personn pa ti ekoute.
Zot ti kontinyen fer sa ki mal dan mon lizyeE zot ti swazir pour fer sa ki mon pa kontan.”
5 Ekout sa ki Zeova i dir, zot ki tranble akoz* sa ki i dir:
“Zot bann frer ki ay zot e ki rezet zot akoz mon non ti dir, ‘Ki Zeova i ganny glorifye!’
Me Bondye pou vini e i pou fer zot zwayeE sa bann pou onte.”
6 I annan en tapaz dan lavil, en tapaz dan tanp!
Zeova ki pe fer tapaz, i pe fer son bann lennmi peye pour tou sa ki zot in fer.
7 Avan ki i ti ganny douler, i ti ganny son pti baba.
Avan ki i ti ganny douler, i ti ganny en pti garson.
8 Lekel ki’n deza tann en keksoz koumsa?
Lekel ki’n deza vwar bann keksoz koumsa?
Eski en pei i kapab ne dan en sel zour?
Oubyen eski en nasyon i kapab ne en sel kou?
Pourtan, dek ki Siyon ti ganny douler, i ti donn nesans son bann garson.
9 “Eski mon pou anpes en pti baba ne ler i pros pour ne?” La sa ki Zeova in dir.
“Oubyen eski mon pou fer sa madanm ganny douler e apre anpes sa pti baba ne?” La sa ki ou Bondye in dir.
10 Zot tou ki kontan Zerizalenm, zot devret zwaye e dan lazwa ansanm avek li.
Zot tou ki dan dey akoz li, zot devret selebre en kantite ansanm avek li.
11 Parski i pou konsol zot parey en manman i donn dile son pti baba ziska ki son vant i plen.
Zot vant pou plen e zot pou vreman kontan parski i’n ganny glorifye.
12 Parski la sa ki Zeova i dir:
“Mon pe fer li anpe zis parey en larivyerE mon pe donn li laglwar bann nasyon parey en larivyer ki pe deborde.
Zot pou bwar dile e zot pou ganny anmennen lo lerenE zot pou ganny balans balanse lo zenou.
13 Zis parey en manman i konsol son garson,Mon pou kontinyen konsol zot.
Zot pou ganny konsole akoz Zerizalenm.
14 Zot pou vwar sa e zot leker pou kontan,Zot lezo pou for parey zerb ki’n fek pouse.
Bann serviter Zeova pou konn son pwisans,*Me i pou ankoler avek son bann lennmi.”
15 “Parski Zeova pou vini parey en difeE son bann saret i parey en tanpet divan,Pour fer zot peye dan son gran lakoler,Pour koriz zot avek bann laflanm dife
16 Parski Zeova pou servi dife pour li anmenn zizman,Wi, i pou servi son lepe, kont tou dimoun.*
Zeova pou touy en kantite dimoun.
17 “Bann dimoun ki pe sanktifye zot lekor e ki pe pirifye zot pour zot antre dan bann zarden* par deryer sa enn ki dan milye, bann dimoun ki pe manz lavyann koson, bann keksoz degoutan ek bann souri, zot tou zot pou mor ansanm.” La sa ki Zeova in dir.
18 “Vi ki mon konn bann keksoz ki zot fer e sa ki zot mazinen, mon pe vin rasanble bann dimoun dan tou bann nasyon ek bann dimoun ki koz diferan langaz. Zot pou vini e vwar mon laglwar.”
19 “Mon pou met en lansenny parmi zot e mon pou fer serten bann dimoun ki’n sove al kot bann nasyon ki pa’n tann koz lo mwan oubyen ki pa’n vwar mon laglwar, setadir Tarsis, Poul ek Loud, bann dimoun ki tir fles, Toubal, Zavann ek bann zil ki byen lwen. Zot pou fer bann nasyon konn mon laglwar.
20 Zot pou fer tou zot bann frer sorti dan tou bann nasyon e anmenn zot konman en kado pour Zeova kot mon montanny sen ki Zerizalenm. Zot pou anmenn zot lo bann seval, dan bann pti saret ek bann gran saret, lo bann mile* e lo bann samo ki vit, zis parey ler pep Izrael i anmenn zot kado dan en resipyan ki prop dan lakaz Zeova.” La sa ki Zeova in dir.
21 “Mon pou osi fer serten vin bann pret ek bann Levit.” La sa ki Zeova in dir.
22 “Parski zis parey sa nouvo lesyel ek sa nouvo later ki mon pe fer pou reste devan mwan, zot desandans ek zot non pou reste.” La sa ki Zeova in dir.
23 “Sak nouvellin e sak saba,Tou dimoun* pou vini e azenou devan* mwan.” La sa ki Zeova in dir.
24 “Zot pou al get lekor mor bann dimoun ki ti rebel kont mwan.
Parski bann lever lo zot pa pou morE dife ki pe bril zot pa pou tennyen.
Zot pou vin en keksoz degoutan pour tou dimoun.”*
Bann not
^ Oubyen “ki enkyet konsernan.”
^ Vwar Leksplikasyon bann mo.
^ Oubyen posibleman, “ki pe ador en zidol.”
^ Oubyen “ki enkyet konsernan.”
^ Oubyen “lanmen.”
^ Literalman, “laser.”
^ Setadir, bann zarden ki spesyal kot bann dimoun ti abitye ador zidol.
^ Piti en seval avek en bourik.
^ Oubyen “laser.”
^ Oubyen “ador.”
^ Literalman, “tou laser.”
