Izai 61:1-11
61 Souvren Senyer Zeova in donn mwan son lespri sen,Parski Zeova in swazir mwan pour anons bon nouvel avek bann dimoun ki annan limilite.
I’n anvoy mwan pour pans blesir bann dimoun ki dekouraze,*Pour anons bann prizonnyen ki zot pou ganny largeE pour dir bann prizonnyen ki zot pou vwar byen kler ankor,
2 Pour anons sa lannen ki Zeova pou demontre son labonte*Ek sa zour ki nou Bondye pou revanze,Pour konsol tou bann dimoun ki dan dey,
3 Pour pran swen avek bann dimoun ki dan dey akoz Siyon,Pour donn zot en tirban* dan plas donn zot lasann,Pour donn zot delwil pour zot selebre dan plas ki zot dan dey,Pour donn zot en lenz pour zot loue mwan dan plas ki zot dekouraze.
Zot pou ganny apele bann gro pye dibwa ladrwatir,Bann plant ki Zeova in plante, pour zot glorifye li.*
4 Zot pou rekonstri bann landrwa ki’n ganny detrir depi lontan.
Zot pou refer bann landrwa ki’n ganny abandonnen depi lontanE zot pou rekonstri bann lavil ki’n ganny detrir,Bann landrwa ki’n ganny abandonnen, pour zenerasyon apre zenerasyon.
5 “Bann dimoun ki zot pa konnen pou vini e pran swen avek zot bann troupoE bann etranze pou vin zot bann fermye ek bann travayer dan zot plantasyon rezen.
6 Me zot, zot pou ganny apele bann pret Zeova.
Zot pou ganny apele bann serviter nou Bondye.
Zot pou manz resours bann nasyonE zot pou fer vantar konsernan zot laglwar.*
7 Zot pou ganny de fwa plis dan plas ki zot onteE zot pou kriye dan lazwa akoz zot par dan plas ganny imilye.
Wi, zot pou ganny de fwa plis dan zot pei.
Zot pou dan lazwa pour touzour.
8 Parski mwan Zeova, mon kontan lazistis.
Mon ay bann dimoun ki vole ek bann dimoun ki fer sa ki mal.
Mon fidel e mon pou donn zot zot saler.
Mon pou fer en lalyans eternel avek zot.
9 Bann nasyon pou konn desandans mon pepE bann dimoun pou konn desandans mon pep.
Tou dimoun ki pou vwar zot pou rekonnet zot,Ki zot sa desandans ki Zeova in beni.”
10 Mon pou selebre en kantite akoz Zeova.
Mon pou dan lazwa akoz mon Bondye.
Parski i’n met en lenz ki delivre lo mwan.
I’n kouver mwan avek en rob* ladrwatir,Zis parey en nouvo marye ki met en tirban parey sa tirban ki en pret i meteE parey en nouvel marye ki met son bann bizou lo li.
11 Parski parey later i fer pouse bann bourzonE parey zarden i fer pouse sa ki’n ganny senmen,Koumsanmenm ki Souvren Senyer ZeovaPou fer ladrwatir ek louanz pouse devan tou bann nasyon.
Bann not
^ Oubyen “bann dimoun ki annan leker brize.”
^ Oubyen “pou fer sa ki i anvi.”
^ Oubyen “sapo.”
^ Oubyen “pour fer li vin pli zoli.”
^ Oubyen “larises.”
^ Oubyen “manto san lanmans.” Manto ti ganny mete par lao lenz en dimoun.
