Izai 15:1-9
-
Mesaz kont Moab (1-9)
15 En mesaz kont Moab:
Vi ki i’n ganny detrir dan en lannwit,Lavil Ar ki dan pei Moab i trankil.
Vi ki i’n ganny detrir dan en lannwit,Lavil Kir ki dan pei Moab i trankil.
2 I’n mont kot Lakaz* e kot Dibonn,Kot bann landrwa ladorasyon* pour plere.
Moab i plere pour Nebo e pour Medeba.
Tou dimoun in raz zot latet ek zot labarb.
3 Zot in met latwal goni* lo zot dan son bann semen.
Tou dimoun pe plere lo zot bann twa lakaz e dan zot bann landrwa piblik.
Zot desann e zot pe plere.
4 Esbonn ek Eleale i kriye.
Bann dimoun ziska Zaaz i kapab tann zot lavwa.
I pour sa rezon ki bann zonm Moab ki annan zarm i kontinyen kriye.
I pe tranble.
5 Mon leker pe kriye pour Moab.
Son bann dimoun ki mars an tayan in sove ziska Zoar e ziska Eglat-Selisya.
Zot plere anmezir ki zot mont sa montanny ki al ver Louit.
Zot kriye anmezir ki zot al Oronaim akoz sa maler ki’n arive.
6 Parski bann delo Nimrim in sek.
Bann zerb ver in sek,I nepli annan zerb e napa okenn plant ver ki reste.
7 Sanmenm sa zot pe anmenn larestan keksoz ki dan zot bann stor ek larestan zot larises.
Zot pe travers vale* ki annan bann pye pepliye.*
8 Parski dimoun partou dan teritwar Moab i kapab tann zot pe kriye.
Bann dimoun Eglaim i tann zot pe plere.
Bann dimoun Beer-Elim i tann zot pe plere.
9 Parski bann delo Dimonn i ranpli avek disanE mon annan plis keksoz pour mwan fer avek Dimonn:
Mon pou fer en lyon al kot bann dimoun Moab ki soveE kot bann dimoun ki ankor dan sa pei.
Bann not
^ Oubyen “Tanp.”
^ Vwar Leksplikasyon bann mo.
^ Oubyen “lenz dey.” Vwar Leksplikasyon bann mo.
^ Oubyen “wadi.” Vwar Leksplikasyon bann mo.
^ Sa pe refer avek en kalite pye dibwa ki normalman pous o bor larivyer. Poplar an Angle.
